Nazir müavini: Azərbaycan 51 ölkəyə inkişaf dəstəyi göstərib

CƏMİYYƏT

674

17.06.2026, 17:33

Xəbərlərimizi Google-da izləyin

Yeniliklərdən dərhal xəbərdar olun

Dayanıqlı inkişaf məqsədlərinə nail olunması üçün maliyyə resurslarına çıxışla yanaşı, həmin vəsaitlərdən səmərəli istifadə etməyə imkan verən institusional potensialın gücləndirilməsi mühüm əhəmiyyət daşıyır.

Oxu24.com xəbər verir ki, bu sözləri Azərbaycanın xarici işlər nazirinin müavini Yalçın Rəfiyev İslam İnkişaf Bankı (İİB) Qrupunun 51-ci İllik Toplantıları çərçivəsində keçirilən “Yüksək Səviyyəli Dialoq: “Yardımdan daha çox potensialın inkişafı” – Dayanıqlılıq və davamlı inkişaf naminə beynəlxalq texniki yardım üzrə AIDA–İİB tərəfdaşlığı” adlı sessiyada çıxışı zamanı deyib.

Y.Rəfiyev bildirib ki, maliyyələşdirmə mühüm rol oynasa da, təkbaşına kifayət etmir.

“Azərbaycan beynəlxalq donor fəaliyyəti çərçivəsində dünyanın 44 ən az inkişaf etmiş ölkəsindən 43-nə, Afrika qitəsinin 54 ölkəsindən 53-nə, həmçinin İslam Əməkdaşlıq Təşkilatına üzv 57 dövlətdən 51-nə maliyyə, texniki və potensialın artırılması istiqamətində dəstək göstərib. Rəqəmsal transformasiya və institusional potensiala yatırılan investisiyalar xidmətlərin keyfiyyətinin yüksəldilməsinə, dayanıqlılığın gücləndirilməsinə, həmçinin hökumətlərin inkişaf və humanitar çağırışlara cavab vermək imkanlarının artırılmasına əhəmiyyətli töhfə verir. Maliyyəyə çıxış və institusional potensial bir-biri ilə sıx bağlıdır. Bu iki istiqamətin paralel şəkildə gücləndirilməsi daha dayanıqlı və uzunmüddətli inkişaf nəticələrinin əldə olunmasına imkan yaradır”, – deyə o vurğulayıb.

Nazir müavini Azərbaycanın praktiki əməkdaşlığın təşviqi, tərəfdaşlıqların möhkəmləndirilməsi və dayanıqlılıqla davamlı inkişafı dəstəkləyən həllərin irəli aparılması istiqamətində səylərini davam etdirəcəyini bildirib.

Həmçinin oxuyun