Bu sürücülər kəmər taxmaya bilər  

Son dövrlərdə yol hərəkəti təhlükəsizliyi ilə bağlı qaydaların tətbiqi və nəzarətin gücləndirilməsi fonunda təhlükəsizlik kəmərindən istifadə məsələsi yenidən gündəmə gətirilib. Ümumilikdə avtomobil idarə edərkən və ya sərnişin qismində hərəkət zamanı təhlükəsizlik kəmərinin taxılması məcburi hesab olunur və bu qayda yol-nəqliyyat hadisələrinin ağır nəticələrinin qarşısının alınmasında əsas amillərdən biri kimi qiymətləndirilir.

Bununla yanaşı, qanunvericilikdə bəzi hallarda təhlükəsizlik kəmərinin taxılmamasına dair istisnalar da nəzərdə tutulub. Bu istisnaların hansı kateqoriyalara aid olduğu və hansı şərtlər daxilində tətbiq edildiyi isə sürücülər və sərnişinlər arasında tez-tez maraq doğuran məsələlərdəndir.

Oxu24.com  xəbər verir ki, Vəkil Vamiq Şükürov Demokrat.az-a açıqlamasında deyib ki, konstruksiyasında təhlükəsizlik kəmərləri nəzərdə tutulmuş nəqliyyat vasitəsində hərəkət zamanı sürücü kəməri bağlamalı və sərnişinlərin də kəmərdən düzgün istifadə etməsini təmin etməlidir:

“Bu tələb yol hərəkəti təhlükəsizliyinin əsas qaydalarından biri hesab olunur və ümumi risklərin azaldılmasına xidmət edir. Bununla yanaşı, qanunvericilikdə müəyyən istisna hallar da nəzərdə tutulub. Belə ki, 12 yaşınadək uşaqlar, geriyə hərəkət (manevr) edən sürücülər, hamilə qadınlar, həmçinin sürücülüyü öyrənən şəxs nəqliyyat vasitəsini idarə edərkən onu öyrədən şəxs təhlükəsizlik kəmərini taxmaya bilər. Eyni zamanda, yaşayış məntəqələri daxilində operativ nəqliyyat vasitələrinin sürücüləri və sərnişinləri də xidməti zərurət yarandıqda kəmərdən istifadə etməmək hüququna malikdirlər. Lakin bu istisnalar yalnız qanunla müəyyən edilmiş hallarda və müvafiq şərtlər daxilində tətbiq olunur”.

O bildirib ki, motosikletlərə münasibətdə isə ayrıca tələb müəyyən edilib:

“Belə ki, motosiklet sürücüsü mütləq şəkildə qoruyucu dəbilqəni düzgün şəkildə bağlamalı, sərnişinlərin də motodəbilqədən istifadə etməsini və onun düzgün bərkidilməsini təmin etməlidir. Ümumilikdə bu qaydalar yol hərəkəti iştirakçılarının təhlükəsizliyinin təmin olunması və qəza zamanı ağır nəticələrin minimuma endirilməsi məqsədi daşıyır”.

Həmçinin oxuyun

Bakıda yaşayanlara mühüm xəbər:Hansı dəyişiklik OLACAQ?

Yüksək vəzifəyə təyinat aldı  —  ƏMR İMZALANDI

Milli Hidrometeorologiya Xidməti xəbərdarlıq yaydı: 40 dərəcə isti olacaq

Elgiz Əkbər açıqladı: Yeni layihə gəlir -VİDEO