AzTU bu vəzifələr üzrə işçi axtarır 

Azərbaycan Texniki Universitetinin (AzTU) nəzdində fəaliyyət göstərəcək “AZCON School of Engineering and Technology” – AZCON Mühəndislik və Texnologiya Məktəbinə (AZSET) tədris işləri və keyfiyyət təminatı üzrə rəhbər, tələbələrlə iş üzrə mütəxəssis və layihə koordinatoru vəzifələri üzrə vakansiya elan olunub. Bu barədə məlumat universitetin sosial media hesablarında paylaşılıb.  

Oxu24.com  xəbər verir ki, tədris işləri və keyfiyyət təminatı üzrə rəhbər AZSET çərçivəsində aparılacaq tədris üzrə dərs cədvəlinin hazırlanması, dərs yükün təşkili, “TUM International” şirkətinin kurikulumunun tətbiq prosesinin koordinasiyası və hər tədris ilinin başlanılmasına qədər bütün keyfiyyət təminatı mexanizmlərinin yerinə yetirilməsini təmin edəcək.

Tələbələrlə iş üzrə mütəxəssis AZSET-də təhsil alacaq tələbələrə yönəlik kommunikasiyanı, yeni qəbul olunan tələbələrin müqavilə posedurlarının koordinasiyasını və bunlarla bağlı AzTU-da rəsmi qeydiyyat üçün tələb olunan sənəd dövriyyəsini idarə edəcək.

Layihə koordinatoru AZSET-in bütün inzibati məsələlərinin əlaqələndirilməsinə kömək edəcək, tədbirlərin və imtahanların təşkili məsələlərini idarə edəcək, habelə gündəlik inzibati işlərdə hərtərəfli dəstək göstərəcək. 

Maraqlanan şəxslər vəzifələrlə bağlı tələblər və digər məlumatları AzTU-nun saytından (www.aztu.edu.az)və ya sosial media hesablarından oxuya bilərlər.

Qeyd edək ki, AzTU nəzdində təsis edilmiş AZCON Mühəndislik və Texnologiya Məktəbi Münhen Texniki Universitetinin (TUM) beynəlxalq akademik tərəfdaşlıq platforması olan “TUMint” təşkilatının dəstəyi əsasında fəaliyyət göstərəcək. Beləliklə, dünya səviyyəli akademik təcrübə AZSET proqramının tədris modelinə inteqrasiya olunacaq. “TUM” mütəxəssisləri həm Bakıda əyani formada, həm də onlayn qaydada tədris prosesində iştirak edəcəklər. Tədris prosesi “TUMint”in akademik yanaşması, kurikulumu, tədris metodologiyası və qiymətləndirmə standartları əsasında hazırlıq görmüş müəllimlər tərəfindən həyata keçiriləcək. 

Həmçinin oxuyun

Milli Məclis mühüm qərar qəbul etdi:6 ay sonra qüvvəyə minir

Milli Məclis sürücülərlə bağlı qərar qəbul etdi

Milli Məclis müəllimlərlə bağlı qərar qəbul edib

Avqust ayında qeyri-iş günü nəzərdə tutulmayıb