Təhlükə anında sərnişin nə etməlidir? – Rəşad Rzadan vacib təlimatlar

CƏMİYYƏT

22.04.2026, 14:13

Qatarın tuneldə uzun müddət qalması və bəzi sərnişinlərin həyəcan səbəbindən səhhətinin pisləşməsi, bu kimi hallarda davranış qaydalarını yenidən gündəmə gətirib.

Təhlükəsizlik üzrə ekspert Rəşad Rza bu cür kritik vəziyyətlərdə sərnişinlərin həyatını xilas edəcək və sağlamlığını qoruyacaq vacib məqamları Oxu24.com-a açıqlayıb.

Ekspertin sözlərinə görə, istər texniki nasazlıq, istərsə də digər səbəblərdən yaranan durğunluq zamanı ən böyük düşmən panikadır.

Rəşad Rza qeyd edir ki,bu zaman əsas yük sərnişinlərin üzərinə düşür:

“Hadisə baş verdiyi andan etibarən sərnişinlər ilk növbədə sakitçiliyi qorumalıdırlar. Təşviş və qorxu oksigen tələbatını artırır ki, bu da qapalı məkanda nəfəs darlığına və səhhətin qəfil pisləşməsinə yol açır.

Özbaşına hərəkət etmək yolverilməzdir. Maşinistin və ya mərkəzi idarəetmə sisteminin verəcəyi təlimatları diqqətlə dinləmək lazımdır.

Əgər qapılar açılarsa və vaqonu tərk etmək göstərişi verilərsə, sərnişinlər sıralı şəkildə, bir-birini itələmədən və başqalarında qorxu yaratmadan ərazini tərk etməlidirlər”.

Həmçinin oxuyun

Anar Bayramov onu özünə müşavir təyin etdi — DOSYE

Bu ixtisas qrupu üzrə qəbul DAYANDIRILACAQ?— Ekspertdən AÇIQLAMA

İntensiv yağış,qar yağacaq — 23 aprellə bağlı XƏBƏRDARLIQ

Pensiyalardakı artım açıqlandı - RƏSMİ

Ekspert bildirir ki, bu cür halların həm texniki, həm də süni qorxu yaratmaq məqsədilə törədilmə ehtimalı həmişə var. Buna görə də həm qurum işçiləri, həm də vətəndaşlar hər tərəfli hazırlıqlı olmalıdırlar.

Ekspertin əsas xəbərdarlığı budur: "Sakit qalmaq həm sizin, həm də ətrafınızdakıların təhlükəsizliyinin yarısıdır”.

Xüsusilə qapalı qalan vaqonda digər sərnişinləri qorxuya salacaq hərəkətlərdən qaçmaq, havalandırma sisteminin işləmədiyi hallarda enerjini qorumaq üçün artıq hərəkətlər etməmək tövsiyə olunur.

Çimnaz Telmanqızı