Pensiya kapitalını vaxtından əvvəl çıxarmaq istəyənlərin DİQQƏTİNƏ: Ekspert vacib detalı AÇIQLADI

Son günlər sosial şəbəkələrdə və mediada vətəndaşların toplanmış pensiya kapitalından vaxtından əvvəl istifadə edə bilməsi məsələsi yenidən gündəmə gəlib. Lakin ekspertlər bu gözləntilərin real olmadığını və sistemin buna imkan vermədiyini bildirirlər.

Məsələ ilə bağlı Liberal İqtisadçılar Mərkəzinin sədri Akif Nəsirli Oxu24.com-a açıqlamasında məsələnin görünməyən tərəflərinə işıq salıb. 

Ekspertin sözlərinə görə, vətəndaşların bu vəsaitlərdən istifadə etmək hüququnun olmaması həm qanuni, həm də ciddi maliyyə səbəbləri ilə bağlıdır.

Akif Nəsirli qeyd edib ki, qanunvericilikdə pensiya kapitalından istifadə üçün konkret şərtlər (pensiya yaşı, əlillik, ailə başçısını itirmək) müəyyən olunub. Bu hallar baş vermədən vəsaitin çıxarılması qanunda nəzərdə tutulmayıb:

"Hazırda bu addımın atılması mümkün deyil. Nazirliyin rəsmi açıqlaması da onu göstərir ki, müvafiq sığorta hadisələri baş vermədən vəsaitdən istifadə qanunvericilikdə yoxdur”.

İqtisadçı ən vacib məqamı – vəsaitin mahiyyətini açıqlayıb. O bildirib ki, Azərbaycanda klassik anlamda "yığım kapitalı" yoxdur, hesablardakı rəqəmlər sadəcə sığorta kapitalıdır:

"Həqiqi kapital müəyyən pul kütləsidir. Belə bir kapital hazırda heç kimin şəxsi hesabında mövcud deyil. Bu, rəmzi mənada 'kapital' adlanır”.

Ekspertin sözlərinə görə, sistemin daxili maliyyə imkanları da belə bir kütləvi çıxarışa hazır deyil. Dövlət Sosial Müdafiə Fondunun (DSMF) gəlirlərinin xərcləri tam bağlamadığını və hər il büdcədən əlavə vəsait ayrıldığını xatırladan A.Nəsirli əlavə edib:

"Əgər vətəndaşlara vəsaiti vaxtından əvvəl çıxarmaq imkanı verilsə, fondun vəsaitləri kəskin azalacaq. Bu isə birbaşa pensiya ödənişlərində çətinliklərə və sistemdə balansın pozulmasına gətirib çıxaracaq”.

Akif Nəsirli vurğulayır ki, vətəndaşın öz vəsaiti üzərində müəyyən seçim hüququ əldə etməsi yalnız gələcəkdə özəl pensiya fondlarının yaradılması ilə mümkün ola bilər. Bunun üçün isə həm qanunvericilik, həm də idarəetmə parametrləri sıfırdan işlənməlidir.

Bəs, pensiyaya çıxmaq üçün nə qədər kapitalımız OLMALIDIR? Davamı LİNKDƏ 

Çimnaz Telmanqızı

Həmçinin oxuyun

TƏCİLİ! Prezident onların səlahiyyətini artırdı — FƏRMAN

Prezident mühüm Fərman İMZALADI: Sentyabrın 1-dən qüvvəyə minir

SON DƏQİQƏ!Məhkəmə Afət Fərmanqızı barədə QƏRAR VERDİ  

Azərbaycanda bu qadağan edilir? — Ekpertlər detalları AÇIQLADI