"ATV" nin rəhbəri kimdir? — DOSYE

$\"ATV\" nin rəhbəri kimdir? — DOSYE$

CƏMİYYƏT

742

24.03.2026, 11:45

Son günlər televiziyalar,onların efirləri və rəhbərləri ən çox müzakirə olunan mövzulardandır.

Artıq bir müddətdir ki,efirlərdə ciddi dəyişikliklər edilib. Bu,həm qonaqlarda,həm də verilişlərin aparıcılarında və mövzularında da hiss olunur.

Sosial şəbəkələrdə müzakirələr fonunda televiziya rəhbərlərinin kimliyi də maraq doğurur.

Oxu24.com Azərbaycan kanallarına rəhbərlik edən şəxslərin kimliyi barədə məlumatı təqdim edir:

Azərbaycanda ən çox izlənilən kanallardan biri də Azad Azərbaycan (ATV) kanalıdır.

Televiziyanın rəhbəri Azər Əliyevdir.

O,1990-cı ildən Böyük Britaniyanın nüfuzlu BBC teleradiokompaniyasında işə başlayıb.2001-ci ildən etibarən BBC-Azərbaycan Xidmətinə rəhbərlik edib. Uzun illər Birləşmiş Krallığın paytaxtı Londonda – BBC-nin mərkəzi ofisində, həmçinin Bakıda çalışıb. 2012-ci ildə BBC-dəki işinə son verib.

O, həmin il yaradılan "ATV International" televiziyasına rəhbərlik etməyə başlayıb. İki il bu vəzifəni icra etdikdən sonra – 2013–2017-ci illərdə "ATV International"ın bazası əsasında yaradılan CBC (Caspian International Broadcasting Company) telekanalına rəhbərlik edib. 2017-ci ildən ATV telekanalına rəhbərlik edir.

Prezident İlham Əliyevin 20 iyul 2015-ci ildə imzaladığı “Azərbaycan Respublikasının kütləvi informasiya vasitələri əməkdaşlarına fəxri adların verilməsi haqqında” sərəncamı ilə “Əməkdar jurnalist” fəxri adına layiq görülüb.

Həmçinin oxuyun