Pensiyalarda ikinci artımı bu şəxslər alacaqlar
16 Noyabr 2026, 17:50
Qaynar xətt:
(+99450) 247 90 86
CƏMİYYƏT
885
03.10.2025, 17:05
Sudan istifadədə differensial tarif tətbiq olunacaq.
Oxu24.com xəbər verir ki, bunu Azərbaycan Dövlət Su Ehtiyatları Agentliyinin sədrinin müşaviri Əsəd Şirinov II Milli Rəqabət Forumunda "Təbii inhisarların tənzimlənməsi: Rəqabət və ictimaiyyi maraqlar" mövzusunda panel müzakirəsi zamanı deyib.
O bildirib ki, "Tarif haqqında" Qanuna görə, tariflərin müəyyən olunması təkcə qəza baş verdikdə xərclərin ödənilməsi və ya layihələrin icrası ilə bağlı deyil:
"Tariflər əsasən istismar xərclərinin qarşılanması üçün nəzərdə tutulur. Məsələn, suyun bir nöqtədən digərinə nəqli üçün yeraltı infrastruktur daim işlək vəziyyətdə olmalıdır. Bu sistemin istismarı, nasos stansiyalarının fəaliyyəti böyük xərc tələb edir. Tətbiq edilən tariflər də məhz bu istismar xərclərinin qarşılanmasına xidmət edir".
Əsəd Şirinov qeyd edib ki, habelə burada investisiya tərəfi də var, yəni sabit xərclər və prioritet layihələr üçün tələb olunan vəsait:
"Hazırda mərhələli şəkildə həm Bakıda, Abşeron yarımadasında, regionlarda, həm də Qarabağda quruculuq işləri çərçivəsində böyük yatırımlar nəzərdə tutulur. Tarifləri isə Tarif Şurası tənzimləyir. Bizim məqsədimiz qiymətləri elə səviyyədə saxlamaqdır ki, həm dayanıqlı inkişaf təmin olunsun, həm də innovasiya və müasirləşməyə şərait yaransın. Su itkilərinin azaldılması da bu prosesin vacib istiqamətlərindəndir. Biz bütün əsaslandırmaları hazırlayıb Tarif Şurasına təqdim edirik. Son qərar hökumətlə birlikdə qəbul olunur.
Bu müzakirələrdə xarici təcrübəyə də baxırıq. Türkiyə və Avropa ölkələrinin təcrübələrini araşdırmışıq. Ən çox tətbiq olunan mexanizmlərdən biri differensial tarifdir. Bu yanaşma Milli Su Strategiyasında da əksini tapıb və hazırda biz onun təhlilini aparırıq".
O, differensiallaşmanın izahını da verib:
"Burada məqsəd aşağıgəlirli əhali təbəqəsini qorumaq, onlar üçün güzəştli qiymətlər tətbiq etməkdir. Eyni zamanda daha çox su istifadə edənlər üçün tariflər nisbətən yüksək müəyyənləşdirilir ki, qənaətə təşviq olunsun. Kommersiya subyektləri isə sudan gəlir əldə etdiklərinə görə, onlar üçün ayrıca qiymət tətbiq olunur. Bu praktika dünyanın bir çox ölkəsində mövcuddur və biz də bunu təhlil edərək təkliflərimizi hazırlayacağıq.
Vacib məqam odur ki, "differensial tarif" anlayışı sadəcə qiymətlərin artması demək deyil. Əksinə, məqsəd aşağıgəlirli qrupları qorumaq, kommersiya və qeyri-yaşayış subyektləri üçün isə daha ədalətli qiymət qurmaqdır. Burada biz "Azəriqaz" və "Azərişığ"ın təcrübəsindən də yararlanacağıq. Onlarda differensial tarif sistemi artıq tətbiq olunur. Azərbaycanda yalnız su kommunal sahəsində bu hələ yoxdur. Gələcəkdə biz öz təklifimizi hazırlayıb təqdim edəcəyik".
17:50 / 16 Noyabr 2026
1
17:47 / 16 Noyabr 2026
21
17:30 / 16 Noyabr 2026
48
17:26 / 16 Noyabr 2026
60
17:25 / 16 Noyabr 2026
51
17:25 / 16 Noyabr 2026
65
17:19 / 16 Noyabr 2026
58
17:12 / 16 Noyabr 2026
57
17:10 / 16 Noyabr 2026
56
17:01 / 16 Noyabr 2026
65
16:55 / 16 Noyabr 2026
70
16:52 / 16 Noyabr 2026
66
16:50 / 16 Noyabr 2026
68
16:33 / 16 Noyabr 2026
87
16:25 / 16 Noyabr 2026
237
16:17 / 16 Noyabr 2026
111
16:12 / 16 Noyabr 2026
148
16:08 / 16 Noyabr 2026
124
15:45 / 16 Noyabr 2026
96
15:18 / 16 Noyabr 2026
129
15:00 / 16 Noyabr 2026
123
14:30 / 16 Noyabr 2026
549
14:24 / 16 Noyabr 2026
145
© 2026 Oxu24.com Müəllif hüquqları qorunur.