Nazirlər hansı universitetləri BİTİRİB?  

Dövlətin ali icra orqanlarının rəhbərləri olan nazirlər yalnız siyasi təmsilçilik funksiyasını deyil eyni zamanda sahələr üzrə strateji qərarların qəbulu, ictimai siyasətin formalaşdırılması və milli maraqların müdafiəsi baxımından da böyük məsuliyyət daşıyırlar.

Azərbaycan Respublikasında da müxtəlif sahələrə rəhbərlik edən nazirlərin təhsil həyatı cəmiyyətin maraq dairəsində olan mövzulardan biridir.

Maraqlıdır, nazirlər harada təhsil alıblar?

Oxu24.com xəbər  verir  ki, mövzu ilə bağlı AzEdu.az araşdırma aparıb.

Nazirlərin məzun olduqları ali məktəbləri təqdim edirik: 

Elm və təhsil naziri Emin Əmrullayev- 1999–2003-cü illərdə Azərbaycan Respublikasının Prezidenti yanında Dövlət İdarəçilik Akademiyasının İnzibati idarəetmə fakültəsində təhsil alaraq təhsil müəssisəni fərqlənmə diplomu ilə bitirmişdir. 2003–2004-cü illərdə Mərkəzi Avropa Universitetində (Budapeşt) siyasi elmlər üzrə magistr pilləsində təhsilini davam etdirib.

2010-2012-ci illərdə "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" və "Fulbright" proqramının birgə dəstəyi ilə Kolumbiya Universitetində ictimai (inzibati) idarəetmə ixtisası üzrə magistr pilləsində təhsil alıb;

Daxili işlər naziri Vilayət Eyvazov-  Daxili İşlər Nazirliyinin Polis Akademiyasını fərqlənmə diplomu ilə bitirib;

Energetika naziri Pərviz Şahbazov- 1986–1992-ci illərdə Azərbaycan Dövlət Neft Akademiyasını bitirib;

Fövqəladə hallar naziri Kəmaləddin Heydərov- 1984-cü ildə Azərbaycan Dövlət Universitetinin geoloji-kəşfiyyat fakültəsini bitirmişdir. Azərbaycan Universitetində ikinci ali təhsil alıb;

Ədliyyə naziri Fərid Əhmədov- Bakı Dövlət Universitetinin Beynəlxalq hüquq fakültəsində bakalavr (2000) və magistr (2002) təhsili alıb. 2004-cü ildə Böyük Britaniyanın Esseks Universitetində, "British Chevening" təqaüdü ilə beynəlxalq insan hüquqları ixtisasını fərqlənmə diplomu ilə bitirib;

Əmək və əhalinin sosial müdafiəsi  naziri Anar Əliyev- 2000-ci ildə Bakı Dövlət Universitetinin Beynəlxalq Hüquq fakültəsinin bakalavrı bitirib. 2002-ci ildə magistr dərəcəsi alıb;

Həmçinin oxuyun

Pensiya ilə bağlı VACİB XƏBƏR 

Toyuq ətinin rəngi nəyi göstərir?  - VACİB MƏLUMAT 

Vəkil Esmira Rzayeva: Penitensiar Xidmət müstəqil status ala bilər  

Prezidentdən deputatın oğlu ilə bağlı SƏRƏNCAM 

Gənclər və idman naziri Fərid Qayıbov - 1995- ci il Azərbaycan Respublikası Nazirlər Kabineti nəzdində Azərbaycan Xalq Təsərrüfatını İdarəetmə İnstitutunun Biznesin təşkili və idarə edilməsi fakültəsinə qəbul olub. 1999-cu ildə Biznesin idarə edilməsi üzrə bakalavr, 2001-ci ildə isə magistr dərəcəsini əldə edib;

İqtisadiyyat naziri Mikayıl Cabbarov- 1992–1997-ci illərdə Bakı Dövlət Universitetində təhsil alıb, beynəlxalq hüquq fakültəsini fərqlənmə diplomu ilə bitirib. 1997–1998-ci illərdə ABŞ nin Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq üzrə magistr dərəcəsi alıb. 2004-cü ildə Azərbaycan Dövlət İqtisad Universitetində iqtisadiyyat üzrə magistr dərəcəsi alıb;

Kənd təsərrüfatı naziri Məcnun Məmmədov- 2000–2004-cü illərdə Azərbaycan Dövlət İqtisad Universitetində "Ümumi İqtisadiyyat: Mühasibat uçotu və Audit" ixtisası üzrə bakalavr təhsili, daha sonra isə Pakistanın Lahor İdarəetmə Elmləri Universitetində biznesin idarə edilməsi üzrə magistr (MBA) təhsili alıb;

Maliyyə naziri Sahil Babayev- Bakı Dövlət Universitetində "Beynəlxalq hüquq və beynəlxalq münasibətlər" sahəsi üzrə 2000-ci ildə bakalavr, 2002-ci ildə isə magistr dərəcəsini fərqlənmə ilə bitirib;

Mədəniyyət naziri Adil Kərimli-1999-cu ildə Bakı Dövlət Universitetinin hüquq fakültəsinin bakalavr, 2001-ci ildə isə magistratura pillələrini bitirib;

Müdafiə naziri Zakir Həsənov-1976-cı ildə Cəmşid Naxçıvanski adına hərbi lisey bitirib. 1976-cı ildə Cəmşid Naxçıvanski adına hərbi lisey bitirib. 1986–1987-ci illərdə SSRİ Silahlı Qüvvələrinin Baş Qərargahının Akademik idarəetmə kurslarını bitirib;

Müdafiə sənayesi naziri Vüqar Mustafayev- 2004-cü ildə bakalavr dərəcəsi üzrə Azərbaycan Respublikasının Prezidenti Yanında Dövlət İdarəçilik Akademiyasının Mühəndis iqtisadiyyatı və idarəetmə Menecment ixtisasına daxil olmuş, 2008-ci ildə fərqlənmə ilə bitirib. 2010 -2013-cü illərdə Xəzər Universitetinin Maliyyə və kredit ixsitsası üzrə "Biznesin idarə edilməsi (MBA)" magistr proqramı üzrə məzun olub;

Rəqəmsal inkişaf və nəqliyyat naziri Rəşad Nəbiyev-1994–2000-ci illərdə Azərbaycan Respublikasının Prezidenti yanında Dövlət İdarəçilik Akademiyasında Dövlət və bələdiyyə idarəetməsi ixtisası üzrə bakalavr və magistr təhsili almış, 2000-2002-ci illərdə isə ABŞ-nin Şərqi Karolina Universitetində iqtisadiyyat üzrə magistr dərəcəsinə yiyələnib;

Səhiyyə naziri Teymur Musayev-1987-ci ildə Azərbaycan Tibb İnstitutunun 1-ci müalicə-profilaktika fakültəsinin 1-ci kursuna qəbul olub və 1993-cü ildə həmin fakültəni fərqlənmə diplomu ilə bitirib.

Xarici işlər naziri Ceyhun Bayramov - Azərbaycan Dövlət İqtisad İnstitutunu iqtisadçı ixtisası üzrə, Azərbaycan Universitetini isə hüquqşünaslıq ixtisası üzrə bitirib.