Allahverdi Yolçuyevlə bağlı - Nazirlikdən açıqlama

CƏMİYYƏT

495

25.07.2025, 16:07

Tanınmış aktyor Allahverdi Yolçuyevin küçələrdə corab satması ilə bağlı yayılan məlumat cəmiyyətdə müzakirələrə səbəb olub.

Oxu24.com xəbər verir ki, dərmanlarını almaq üçün bu işə əl atmalı olan sənətçi maliyyə dəstəyinə ehtiyacı olduğunu vurğulayıb. Hazırda yaşa görə 336 manat təqaüd alan A.Yolçuyev deyib ki, Azərbaycan Dövlət Akademik Musiqili Teatrından ona “yer yoxdur” cavabı verilib.

Aktyorun problemi ilə əlaqədar Mədəniyyət Nazirliyinə sorğu ünvanladıq. Qurumdan müraciətimizə cavab olaraq bildirildi ki, aktyor Allahverdi Yolçuyevlə bağlı məsələlər Mədəniyyət Nazirliyinin diqqət mərkəzindədir: “Aktyor dövlət tərəfindən pensiya ilə təmin olunub. Bundan əlavə, Mədəniyyət Nazirliyi tərəfindən müvafiq dəstək göstərilib, həmçinin mövcud qanunvericilik çərçivəsində əlavə sosial təminat mexanizmlərindən yararlanması üçün imkanlar nəzərdən keçirilir.

Mədəniyyət və incəsənət xadimlərinin sosial rifahının yaxşılaşdırılması dövlət siyasətinin prioritet istiqamətlərindən biridir və bu sahədə tədbirlər ölkə rəhbərliyinin birbaşa nəzarəti altında davam etdirilir”.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Aktyorun dərmanlarla təminatı məsələsinə aydınlıq gətirmək üçün Tibbi Ərazi Bölmələrini İdarəetmə Birliyinə də müraciət etdik. TƏBİB-dən deyildi ki, məsələni araşdırmaq üçün quruma Allahverdi Yolçuyevin şəxsi məlumatları təqdim edilməlidir.

Qeyd edək ki, Allahverdi Yolçuyev müxtəlif illərdə H. Ərəblinski adına Sumqayıt Dövlət Dram Teatrında, Ş.Qurbanov adına Azərbaycan Dövlət Musiqili Komediya Teatrında çalışıb. Televiziya və radio sahəsində fəaliyyət göstərərək “Laylay”, “Göydən üç alma düşdü” və digər uşaq verilişlərinin aparıcısı və səsləndiricisi olub.(qafqazinfo)