“İran buna görə 3 ölkəni bombalamaqla hədələyir”- Siyasi eksperdən qorxunc proqnoz  

Xəbər verdiyimiz ki, İranın Ali Milli Təhlükəsizlik Şurasının katibi Əli Laricani ABŞ-ın ölkəsinə hücumu halında Amerikanın Səudiyyə Ərəbistanı, Qətər və BƏƏ-dəki səfirliklərinin vurulacağı ilə hədələyib.

 Laricanı niyə məhz bu 3 ölkəni hədələyib?

Oxu24.com-un bu sualını hərbi ekspert polkovnik Rövşən Məhərrəmov cavablandırıb.

O, bildirib ki, Fars körfəzindən vəziyyət həddindən artıq  gərgindir. ABŞnin böyük bir hərbi qüvvəsi - təyyarə daşıyan gəmisi və  onun müşahidə edən gəmiləri artıq üç yüz əlli kilometr İrandan  aralıda lövbər salıb.

Həmçinin oxuyun

TƏCİLİ! Tramp İranla bağlı qərarını verdi

Şagirdlərə  ev tapşırığı verilməsi vacibdirmi? - Ekspertlərlə MÜZAKİRƏ  

Kimlərin MAAŞI ARTACAQ? —  DEPUTAT  YENİLİYİ  İZAH ETDİ

SON DƏQİQƏ! Rəisə cinayət işi açıldı

"Bu da İran dövləti üçün  böyük təhlükədir. Əminəm,onu da bilirsiniz ki, İran köklü bir dövlətdir və nə Suriya, nə İraqa, nə də digər dövlətlərə bənzəyir. Baxmayaraq, müxtəlif embarqoların altındadır, amma neft satışından əldə etdiyi gəlirlərlə  özünün silahlanmasını, hərbi sənayesini gücləndirmişdi.

Əsasən də  orta və uzaq mənzilli  ballistik, eyni zamanda qanadlı və qanadsız , pilotsuz uçuş aparatları və digər müasir tipli silahlar istehsal etmişdi. Elə 12 günlük müharibədə də gördük ki,  İsrailin ərazisinə   cavab zərbələri endirdilər.

Lariçanin açıqlamasında məhz o 3 dövlət ona görə hədələnir ki, ABŞ İran sərhəddinə silahlı gəmilərlə gəlsə də,  3 ölkədə ABŞ-yə  məxsus hərbi bazalar fəaliyyət göstərir. 

Lariçanidən əvvəl də İran  generalları, həmçinin,  digər məmurlar belə bir açıqlama vermişdilər ki,  biz həmin bazalara zərbə endirə bilərik. Hətta  Türkiyənin  də adını  çəkmişdilər. Çünki Türkiyədə ABŞ hərbi bazası var. Düzdür, son vaxtlar Türkiyə dövləti barədə belə  açıqlama vermirlər , amma digər 3 dövlət İranın diqqətindədir. Üstəlik,  bu dövlətlər  - Səudiyyə Ərəbistanı, Qətər və BƏƏ  ABŞ-ni  bu müharibəyə görə dəstəklədiklərini açıq şəkildə bildirmişdilər .

İranın məsul şəxsinin bu üç ölkənin ərazisində yerləşən ABŞ səfirliklərini hədəfə alması bu səbəbdəndir"- deyə hərbi ekspert vurğulayıb.

 Xatırladaq ki, İranı Ali Milli Təhlükəsizlik Şurasının katibi Əli Laricani  hətta ötən həftə Səudiyyə Ərəbistanı, Qətər və BƏƏ də daxil olmaqla, bəzi regional ölkələrin rəsmiləri ilə əlaqə saxlayaraq, bu barədə xəbərdarlıq edib.

Əntiqə Rəşid