Kişilərdə erkən boşalmanın aradan qaldırılması yolları - HƏKİM  DANIŞIR

Erkən boşalma və onun  səbəbləri  haqqında məqalədə qeyd etmişdik ki, erkən boşalma cinsi zəifliyin ən asan müalicə olunan növüdür. Hətta  erkən boşalma hallarının yarıdan çoxu dərmansız da müalicə oluna bilən hallardır!

Erkən boşalmanın müalicəsinə başlarkən ilk vəzifə onun psixoloji və ya fizioloıji (bədənlə bağlı) səbəbdən olmasını aydınlaşdırmaqdan ibarətdir. Əgər psixoloji səbəbdəndirsə, o zaman  dərmanlarla müalicəyə ya ehtiyac olmur, ya da  dərmanlarla müalicə ikinci – üçüncü dərəcəli əhəmiyyət kəsb edir.

Erkən boşalmanın müalicəsinə qərar verən kişi ilk növbədə nəyi bilməlidir:

Bu müalcə soyuqdəymənin antibiotiklə qısa müddətli müalicəsinə bənzəməz: tibbdə bundan ötrü infeksiyalar üçün mövcud olan antibiotiklər kimi konkret  dərmanlar yoxdur! Döğrudur ki, tibbdə bu məqsədlə bəzi antidepressantlar qrupundan olan  dərmanların yan təsirlərindən ara-sıra istifadə olunur. Lakin  bunu çoxlarına tətbiq etmək olmur. Digər tərəfdən, bu dərmanlarla müalicə zamanı erkən boşalma aradan qalxsa da, dərman qəbulu dayandırıldıqda erkən boşlma problemi daha da kəskinləşir.
Erkən boşalmanın ən effektli müalicəsi kişinin öz qadını ilə müalicə mövzusunda anlaşdığı hallarda olur! Əksinə, qadın tərəfindən aşkar və ya örtülü şəkildə məzəmmət hədəfi olan kişinin müalicəsi çətin ola bilər.
Kişinin cinsi əlaqə zamanı boşalma müddətini idarə etməyi öyrənməsi velosiped sürməyi öyrənmək kimidir: öyrənənə kimi ora – bura çırpar, lakin bir dəfə öyrəndisə, bir də yıxılmaz!
Psixoloji səbəbdən baş verən erkən boşalmanın müalicəsində ilk vəzifə bu səbəbi dəqiqləşdirməkdən ibarətdir. Bəzən psixoanalitik metodlardan istifadə etməklə qısa müddətdə yaxşı nəticələr əldə etmək olur; yeniyetməlik  və gənclik dövrünün seksual arzuları və vərdişləri, həmçinin  seksual yuxular  və fantaziyaları  pasientlə birgə təhlil olunduqda, adətən müalicənin nədən ibarət olacağı dərhal aydınlaşır. Müvafiq müalicə üsulunun tətbiqi ilə bərabər, pasientin səbri, müalicə olunmaq arzusu, iradəsi  və bir pasient kimi intizamı müalicəyə tam zəmanət verir.

American Urological Association  (AUA Formulary. 2010;45:17-27.) 2010-cu ildə erkən boşalmanın səbəblərini müzakirə edərək qərara gəlmişdir ki, erkən boşalmanın səbəbləri içərisində psixoloji amillərin üstünlüyünün doğru olması ilə yanaşı, dərinləşdirilmiş tədqiqatlar onu göstərir ki, hər bir erkən boşalma probleminin altında bir bədənsal səbəb yatır. Bu səbəblər içərisində prostat vəzinin xəstəliklərinin xüsusi yeri vardır. Erkən boşalmadan əziyyət çəkən kişidə eyni zamanda  prostatit aşkar olduğu hallarda , prostatitin uğurlu müalicəsi çox zaman erkən boşalma probleminin də həlli ilə nəticələnir. Eləcə də, bədəndə mövcud olan digər uroloji və ya qeyri xəstəliklərin də erkən boşalmada rolu unudulmamalı, müalicə olunmalıdır.

Bəs pasientlər nə edə bilər? Bu barədə Amerika Uroloqlar Assosiasiyasının bəzi qiymətli tövsiyələrini yada salmağa dəyər:

Stresdən qaçmağa çalışın!

Qapalı yerlərdə yox, açıq havada çox qalın!

Unutmayın:  “Mübahisədən qaçmaq –  mübahisəni udmağın yeganə yoludur”! (D.Karnegi)

Bu məsələdə özünüzü bəxtsiz adam kimi hiss etməyin: Unutmayın:əksər kişilər haçansa bu problemlə üzləşmiş olur.

Cinsi əlaqəyə tələsməyin.

Saglamlığınızla bağlı hər hansı problem varsa, müalicə olunun.

Sidik cinsiyyət orqanları ilə bağlı nasazlığınız varsa uroloqa baş vurun.

Erkən boşalma ilə bağlı qadınınızla danışmaqdan çəkinməyin.

Qadınınızla başqa bir probleminiz varsa (məişət məsələləri və s.) onu həll edin!

Kişilərdə erkən boşalmanın qarşısını necə almalı?
 
Son illər uroloji problemlərin, ələlxüsus da kişilər arasında cinsi xəstəliklərin sürətlə artdığı bildirilir. Bunun səbəbləri çoxumuza aydın deyil. Bəs kişilər cinsi xəstəliyə yoluxduqlarını necə öyrənə bilərlər? Androloji müalicə adı altında reklam olunan müalicələr nə dərəcədə əsaslıdır? 

Azərbaycan Tibb Universitetinin Tədris Cərrahiyyə Klinikasının uroloq-androloqu, uzman həkim Vasif İsmayıl bununla bağlı e-tibb.az-ın suallarını cavablandırıb. 

Həkim bundan başqa, spirtli içkilərin mənfi və müsbət tərəfləri, xüsusilə gənclərin kabusuna çevrilən erkən boşalma problemi barədə də danışıb.