Kəmərvari ağrıların müəmmalı səbəbi: Herpes virusu sinirləri necə zədələyir? – Alqoloqdan XƏBƏRDARLIQ  

Bədəndə, xüsusən də kürək və bel nahiyəsində kəmər şəklində ortaya çıxan kəskin ağrılar bir çox insanın gündəlik həyat keyfiyyətini ciddi şəkildə aşağı salır. Çox vaxt sadə əzələ və ya bel ağrısı ilə səhv salınan bu simptomların arxasında əslində gizli virus infeksiyaları dayana bilər. Tibbdə "kəmərvari dəmirov" və ya "kəmərvari herpes" adı ilə bilinən bu patologiya sinir toxumalarının zədələnməsi ilə müşayiət olunur. Orqanizmdə illərlə yatmış vəziyyətdə qalan virus immunitet zəiflədikdə yenidən aktivləşərək zəncirvari ağrılara yol açır. Müalicəyə vaxtında başlanılmadıqda isə bu ağrılar xroniki xarakter alaraq pasiyentin yaşam rahatlığını tamamilə əlindən ala bilər. Mövzu ilə bağlı mütəxəssis rəyini öyrənmək üçün Oxu24.com olaraq həkim-alqoloq Zaur İsmayılova müraciət etdik.

Zaur İsmayılov saytımıza açıqlamasında kəmərvari ağrıların yaranma mexanizmini və effektiv müalicə yollarını diqqətə çatdırıb:

"Kəmərvari dəmirov və ya kəmərvari herpes adlandırılan xəstəliyin əsas səbəbi herpes virusudur. İnsanda gizli qalan infeksiyalar zamanla inkişaf edir və bu virusun nəticəsində sinir toxumalarının zədələnməsi baş verir. Belə hallarda xüsusilə kürəbəc və gövdə nahiyələrində zəncirvari, kəmər şəklində kəskin ağrılar ortaya çıxır”.

Alqoloq vurğulayıb ki, bu cür şikayətlərlə müraciət edən pasiyentlərdə mütləq kompleks müalicə aparılmalıdır:

"İlk növbədə virusəleyhinə müalicə aparılmalı, immunitet sistemini qaldırmaq üçün xüsusi vasitələrdən və qeyri-steroid iltihabəleyhinə preparatlardan istifadə olunmalıdır. Eyni zamanda sinir ağrısını götürmək üçün spesifik preparatlar təyin edilir. Dərman müalicəsinin faydası olmadığı hallarda isə ağrının mərkəzini müəyyən edib həmin nahiyəyə blokada proseduru tətbiq edirik. Bu üsulla uzunmüddətli remissiya yaradırıq, ağrıları azaldırıq və insanı yenidən normal, sağlam, ağrısız həyata qaytarırıq”.

Həmçinin oxuyun

Nazir müavini təyin OLUNDU

SON DƏQİQƏ! 1 avqustun havası ilə bağlı XƏBƏRDARLIQ

1 avqustda bizi nələr gözləyir? — ULDUZ FALI

Prezident İlham Əliyev sərəncam imzalayıb