Gənclər niyə arıqlamağa üstünlük verir?- CİDDİ PSİXOLOJİ TƏSİR 

Sosial şəbəkələrdə sürətli arıqlama və “ideal bədən” trendi xüsusilə yeniyetmə qızlar arasında ciddi psixoloji təsir yaratmağa başlayıb. Məşhurların və influencerlərin qısa zamanda arıqlaması gənclərdə öz görünüşündən narazılıq, özgüvən əskikliyi və daimi müqayisə hissi formalaşdırır.

Oxu24.com xəbər verir ki, bu barədə Ajans.az-a danışan psixoloq Aytən Ələkbərova trendin xüsusilə yeniyetmə qızların psixologiyasına mənfi təsir göstərdiyini bildirib.

Onun sözlərinə görə, son dövrlərdə arıqlama mövzusu bir növ trendə çevrilib və insanlar buna müxtəlif səbəblərlə qoşulurlar. Bəziləri xarici görünüşündən məmnun olmaq və özünəinamı artırmaq üçün arıqlamağa üstünlük verir, digərləri isə sağlamlıq məqsədi ilə artıq çəkidən azad olmağa çalışır.

Psixoloq qeyd edib ki, sosial platformalarda bu mövzu tez-tez müzakirə olunur və xüsusilə “insulin direnci” kimi mövzular gündəmə gətirilərkən daha çox çəkili insanların göstərilməsi bəzi şəxslərdə yanlış psixoloji təsəvvürlər yaradır. Onun sözlərinə görə, bu, insanların şüuraltında öz sağlamlığı ilə bağlı narahatlıq və qorxu formalaşmasına səbəb ola bilər.

O vurğulayıb ki, bu cür təsirlər nəticəsində insanlar bəzən psixosomatik şəkildə özlərində xəstəliklərin yarana biləcəyi düşüncəsini formalaşdırır və bu da əlavə stress yaradır.

Psixoloq əlavə edib ki, digər tərəfdən, gənc qızlar və yeniyetmələr bəzən öz bədən quruluşları və anatomik sağlamlıqları barədə kifayət qədər məlumat olmadan müxtəlif dietoloji məsləhətlərə əməl edirlər. Onun sözlərinə görə, bu cür yanaşma həddindən artıq arıqlama hallarına gətirib çıxara və qidalanma pozuntularının yaranmasına səbəb ola bilər.

Onun sözlərinə görə, təcrübədə tez-tez blogerlər və tanınmış modellər arasında da bu kimi hallar müşahidə olunur: həddindən artıq çəki itkisi və ya sürətli arıqlama nəticəsində onlarda müxtəlif sağlamlıq və psixoloji problemlər ortaya çıxıb.

Həmçinin oxuyun

Almatıda Birinci Bakı Türkoloji Qurultayının 100 illiyinə həsr olunmuş beynəlxalq konfrans keçirilir  

Azərbaycan qlobal proseslərin önündə: WUF13 Forumunun dünyaya diplomatik MESAJLARI  

WUF13-Ə görə izdiham - FOTOLAR

DTX tərəfindən saxlanılan sabiq icra başçısı barəsində YENİ QƏRAR