Yuxu ilə bağlı həkimdən VACİB AÇIQLAMA

TİBB

23.04.2026, 13:48

Yuxu gündəlik həyatımızın ən vacib hissələrindən biridir. Keyfiyyətli yuxu bədənin bərpasına, hüceyrələrin yenilənməsinə və immun sisteminin güclənməsinə kömək edir.

Bu barədə Oxu24.com-a açıqlamasında endokrinoloq, Dr. Fərhad Burzu bildirib.

Həkimin sözlərinə görə,yuxusuzluq isə təkcə əhval-ruhiyyəni deyil, yaddaşı, enerji səviyyəsini və ümumi sağlamlığı da mənfi təsir altına alır.

Həmçinin oxuyun

Azərbaycanda qar yağacaq — XƏBƏRDARLIQ

DSMF ödənişlərlə bağlı AÇIQLAMA YAYDI

“Qarabağ”ın haqqı yeyildi, yoxsa hakim düzgün qərar verdi? – Azərbaycan futbolunda QALMAQAL

Nazirdən yeni təyinatlar - FOTO

"Araşdırmalar göstərir ki, qidalanma yuxu keyfiyyətinə birbaşa təsir edir. Xüsusilə serotonin hormonunun səviyyəsi düzgün qidalanma ilə artır və bu da daha rahat yuxuya getməyə kömək edir. Liflə zəngin, az şəkərli və az doymuş yağlı qidalar daha dərin və keyfiyyətli yuxunu dəstəkləyir.

Yuxunu yaxşılaşdırmaq üçün bəzi qida seçimləri xüsusilə önəmlidir. Tam taxıllar (qara çörək, qəhvəyi düyü) serotonin səviyyəsini sabit saxlayır. Az yağlı protein mənbələri (toyuq, balıq, yumurta ağı) isə triptofan vasitəsilə yuxunu dəstəkləyir. Qoz-fındıq və avokado kimi sağlam yağlar həm ürək, həm də sinir sistemi üçün faydalıdır. Maqneziumla zəngin qidalar (ispanaq, toxumlar) isə bədəni sakitləşdirir.Eyni zamanda, axşam saatlarında kofeindən uzaq durmaq, ilıq süd və ya bitki çayları kimi sakitləşdirici içkilərə üstünlük vermək tövsiyə olunur.Unutmayın: düzgün qidalanma yalnız sağlamlıq üçün deyil, həm də keyfiyyətli yuxu üçün əsas şərtlərdən biridir",-deyə o bildirib.

Jalə