"O da yaxşı sudur. Amma bu da yaxşı sudur" — Azərbaycan Liderinin viral olan JESTİ

$\"O da yaxşı sudur. Amma bu da yaxşı sudur\"  — Azərbaycan Liderinin viral olan JESTİ$

SİYASƏT

322

01.09.2026, 11:04

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Bəzən nəyisə təsdiq etməyə çalışmaq lazım deyil. Balaca bir jest, hərəkət hər şeyi söyləyir.

Azərbaycan Prezidenti, Ali Baş Komandan İlham Əliyevin dünən Bişkekdə İran İslam Respublikasının Prezidenti Məsud Pezeşkianla görüşü zamanı maraqlı nüanslara şahidlik etdik. Masanın üzərində olan Azərbaycan sularını qarşı tərəfə təqdim edən Prezident İlham Əliyev bunları özü ilə gətirdiyini söyləyib.

Qarabağın keçilməz qalası Kəlbəcər dağlarından süzülüb gələn "İstisu" mineral suyunu süzərək, şirin bir eyham da edib.

View this post on Instagram

A post shared by oxu24.az (@oxu24.az)

Masada Gürcüstan istehsalı olan "Borjomi" suyu haqqında "O da yaxşı sudur. Amma bu da yaxşı sudur". Doğrudan da, o, ammanın arxasındakı böyük həqiqətlər tam da yerində və zamanında deyilmiş reallıqdır.

Bir içim su, 30 ildən çox işğal altında qalan Qarabağın vizit kartına çevrilmiş oldu. Və təsdiq etdi ki, Qarabağ Azərbaycanın ayrılmaz hissəsi olduğu kimi, bütün təbii ehtiyatları da ona məxsusdur. Həmçinin, Naxçıvan sularının təqdimi də çox mətləblərdən xəbər verdi.

Yəni uzaq Qırğızıstanda öz dövlətini, onun təbii ehtiyatlarını bu dərəcədə gözəl ifadə etmək hər bir azərbaycanlının məmnunluğudur.

Eyni zamanda, qonşu dövlətin başçısına edilən bu jest yüksək etimadın və səmiyyətin təcəssümüdür.

Bəli, bu görüşdə dövlət başçımızın incə yumorlarının altında böyük həqiqətlər, özünü təsdiq və sübutlar yatır. Böyük qələbələr kiçik gedişlərdən başlayır. Azərbaycan isə 2020-ci ildə İkinci Qarabağ müharibəsində özünün tarixi qələbəsini qazanmış və bütün dünyaya sübut etmişdir ki, öz sərhədlərini müəyyən etmiş, bütöv, qüdrətli bir dövlətdir.

Ramidə Yaqubqızı.