Tramp: İsrail Qəzzaya hücum etməməlidir 

ABŞ Prezidenti Donald Tramp Qəzza, İsrail və İranla bağlı bir sıra mühüm açıqlamalar verib. O, HƏMAS-ın silahsızlaşdırılması istiqamətində müsbət irəliləyiş əldə olunduğunu bildirib və İsrailin hazırda Qəzza zolağına hücum etməməli olduğunu vurğulayıb.

Oxu24.com  xəbər verir ki, Tramp HƏMAS-la müxtəlif kanallar vasitəsilə əlaqə saxladıqlarını və qruplaşmanın silahlarını təhvil verəcəyini bildirib.

“Silahlarını təhvil verirlər. Lakin İsrail hazırda Qəzzaya hücum etməməlidir”, - deyə Tramp bildirib.

ABŞ Prezidenti İsraildə oktyabr ayında keçirilməsi planlaşdırılan seçkilərlə bağlı da danışıb. O, seçkilərdən kənarda qalmasının daha düzgün olacağını, lakin namizədlərdən birinə dəstək verə biləcəyini deyib.

Tramp həmçinin Omanla bağlı sərt açıqlama verib. O, ABŞ-ın Hörmüz boğazındakı fəaliyyətlərinə Oman tərəfindən müdaxilə ediləcəyi təqdirdə sərt cavab verəcəklərini bildirib.

Bundan başqa, Tramp İran İslam İnqilabı Keşikçiləri Korpusunun rəsmiləri ilə gizli əlaqə kanallarının olduğunu açıqlayıb.

İranla bağlı danışan Tramp ABŞ-a məxsus sursatların yalnız kiçik bir hissəsinin istifadə edildiyini iddia edib. O, keçmiş prezident Co Baydenin inkişaf etmiş silah sistemlərini Ukraynaya verdiyini də bildirib.

İranla əldə olunan razılaşmanın müddətinin başa çatması məsələsinə toxunan Tramp Tehranın “təslim olmalı olduğunu” deyib və “Tələsmirəm” ifadəsini işlədib. O, ABŞ-ın İrana qarşı dəniz blokadasının iqtisadi təzyiq yaratdığını və İranın bu məsələdə blef etdiyini iddia edib.

HƏMAS sözçüsü Hazım Qasım isə Trampın İsrailin Qəzzaya hücum etməməsi ilə bağlı çağırışını müsbət qarşıladıqlarını bildirib. O, bu açıqlamanın ABŞ Prezidentinin Qəzzada atəşkəs prosesinə bağlılığını davam etdirdiyini göstərdiyini deyib.

Qasım Trampı İsrail hökumətinə təzyiq göstərməyə və əldə olunan razılaşmaya əməl etməyə çağırıb. O, Qəzza üzrə sülh planının ikinci mərhələsinin həyata keçirilməsinin təmin olunmasının vacibliyini vurğulayıb.

Həmçinin oxuyun

TƏCİLİ! Azərbaycan onları beynəlxalq axtarışa verib

Sürücülərə vacib xəbər:Avqustun 18-dən etibarən...

Azərbaycanda ağır qəza:4 nəfər öldü

SON DƏQİQƏ! DİN əməliyyat keçirib:Tutulanlar var