Azərbaycanla bağlı narahatlıq Ermənistanda niyə artır? – Politoloq səbəbi açıqladı

Ermənistanda revanşist mövqeyi və Azərbaycana qarşı sərt çıxışları ilə tanınan türkoloq Varujan Geghamyanın regiondakı son prosesləri İrəvan üçün təhlükə kimi qiymətləndirməsi diqqət çəkir. O, xüsusilə Azərbaycanın Avropa İttifaqı ilə əlaqələrinin güclənməsindən və Bakının regional diplomatiyada rolunun artmasından narahatlığını ifadə edib. Baş verən bu cür narahatlıq doğuran açıqlamaların Ermənistanın daxili siyasi gündəminə hesablanıb-hesablanmadığı və ya rəsmi İrəvanın xarici siyasətində tendensiya olub-olmadığı sual doğurur. Məsələ ilə bağlı politoloq Oqtay Qasımov Oxu24.com saytına açıqlama verərək prosesləri ətraflī təhlil edib. O, bu cür bəyanatların Azərbaycan-Ermənistan normallaşma prosesinə mənfi təsir göstərdiyini vurğulayıb.

Cəmiyyətin uzun illər, onilliklər boyunca faşist ideologiyası ilə zəhərləndiyini qeyd edən politoloq, bu cür revanşist bəyanatların verilməsinin təbii olmadığını və bu zehniyyətin sağalması üçün uzun zamana ehtiyac olduğunu bildirib. 

Onun sözlərinə görə, Ermənistandan səslənən bu cür fikirlərə artıq uzun illərdir ki, öyrəşilib, lakin bu heç vaxt laqeyd qarşılanmamalı, qətiyyən diqqətdən kənarda saxlanılmamalıdır.  

O.Qasımov qeyd edib ki, 44 günlük müharibədən sonra revanşistlərin təsiri müəyyən qədər zəifləsə də, onların hələ də kifayət qədər təsiredici amil olaraq qaldığı son parlament seçkilərində erməni cəmiyyətinin parlamentdə təxminən 40% ətrafında revanşistlərə mandat qazandırması ilə açıq görünmüşdür:

“Bu cür bəyanatları Ermənistanın rəsmi siyasi kursu kimi deyil, şəxslərin öz mövqeyi kimi qiymətləndirmək lazımdır. Lakin Ermənistan hakimiyyəti sülh müqaviləsinin imzalanması və konstitusiya dəyişiklikləri kimi məsələlərin ləngidilməsində bu cür hallardan öz maraqları üçün sui-istifadə etməyə çalışır”.

“Bu cür bəyanatların və revanşistlərə verilən 41 mandatın parlamentdə təsir imkanlarını artırması Azərbaycanla Ermənistan arasındakı sülh prosesini hamar etməyəcək və heç də müsbət təsir göstərməyəcək”,- deyə politoloq sonda əlavə edib. 

Çimnaz Telmanqızı

Həmçinin oxuyun

AZƏRBAYCANDA MAAŞ KARTLARI İLƏ BAĞLI YENİ QAYDA - Vətəndaş nə qazanacaq? 

Nazir müşavirinə yeni vəzifə verildi 

SON DƏQİQƏ! Güclü partlayış baş verib:3 qurum açıqlama yaydı

13 avqustda bizi nələr gözləyir? — ULDUZ FALI