"Tramp Marşrutu" ilə bağlı DETALLAR: ABŞ Azərbaycanda nəyi dəyişmək istəyir?

$\"Tramp Marşrutu\" ilə bağlı DETALLAR: ABŞ Azərbaycanda nəyi dəyişmək istəyir?   $

SİYASƏT

24.04.2026, 12:50

Amerika Birləşmiş Ştatları və Azərbaycan arasında TRIPP (Tramp Marşrutu) üzrə texniki danışıqların başlaması regionun geosiyasi mənzərəsində yeni bir mərhələnin xəbərçisidir. Bu layihə sadəcə iqtisadi deyil, həm də Vaşinqtonun Cənubi Qafqazda öz təsir imkanlarını bərpa etmək və yeni güc balansı yaratmaq cəhdidir.

Mövzu ilə bağlı politoloq Ramiyə Məmmədova Oxu24.com-a şərhində layihənin pərdəarxası məqamlarına aydınlıq gətirib.

Ramiyə Məmmədova qeyd edir ki, ABŞ və Azərbaycan arasında TRIPP layihəsi üzrə danışıqlara bir neçə kontekstdə baxmaq lazımdır:

“Bu təşəbbüs həm Donald Trampın şəxsi istəyi, həm də Amerikanın regionda gücünü göstərmək niyyətidir. ABŞ şirkətlərinin bura investisiya qoyması, Vaşinqtonun regionda birbaşa varlığı və maraqlarının qorunması deməkdir.Layihənin əsas məqsədlərindən biri regionda mövcud olan Rusiya və İran təsirini tarazlamaqdır. Amerikanın bu "geosiyasi oyun"da iştirakı, Qafqaz üzərindən yeni bir güc mərkəzinin formalaşmasına xidmət edir”.

Politoloqun sözlərinə görə, TRIPP layihəsi Azərbaycanı Asiya ilə Avropanı birləşdirən nəhəng bir logistik mərkəzə (hab) çevirir. ABŞ bu qovşaqda həm iştirakçı, həm də nəzarətçi funksiyasını yerinə yetirməyi hədəfləyir. İnvestisiyaların qoyulması həm də onların qorunması deməkdir. Gələcəkdə ABŞ-ın bu marşrut üzərindəki varlığı həm iqtisadi təhlükəsizliyi təmin edəcək, həm də digər regional güclərin təsirini azaldacaq.

Həmçinin oxuyun