44 günün 5 illiyi... 

Bəli,bu tarix Azərbaycan xalqı olaraq hər birimizin qəlbində öz yeri olan bir gündür.

Günün həm sevincli,həm kədərli,həm nisgilli həm də qürurlu bu  xatirəsi var hər birimiz üçün...

Bu  tarixi,bu hissləri bizə yaşadan,bəxş edən görünən və görünməyən qəhrəmanlardan danışacam.

Təbii olaraq hər kəs kimi mən də ilk olaraq əsgərimizi,yaşamaq hüquqdan keçən o əsgərlərimizi anıram.Özü də qürurla...Dünyada ən şirin nemət olan candan Azərbaycan üçün keçməyin başqa izahı varmı? Bu, addımın  nə boyda qəhrəmanlıq,hünər,igidlik olduğunun isbata ehtiyacı varmı?Əlbəttə, yox...Məhz, 5 il öncə Azərbaycan əsgəri,Azərbaycan oğulları bu addımı atdılar...

Qələbəni bizə yaşadan,Qarabağın torpağına  ayaq basmağı  bizə bəxş edən və ən əsası Şuşanı bizə qaytaran o oğullar...Sıralarında adlarını böyük hərflə yazdığım o böyüklər-ŞƏHİDLƏR bizim üçün ən uca zirvədə dayanır bu gün üçün...Axı,Şuşa bizə bir miras idi.Tarixin,babaların,ədəbiyyatın,Pənahəli xanım,Natəvanın... qoxusu var idi o torpaqlarda...Bu xoşbəxtliyi bizə bəxş edən o şəhidlər oldu axı...Ruhları şad,xatirələri hər zaman uca olan şəhidlər...Sizi bu gün və tarix boyu böyük qürurla anırıq və anacağıq...

Qazilər də var axı...Onları əbəs yerə  yaşayan şəhid adlandırmırıq ki?...Qazilər bizim şəhidlərin yadigarı,hadisələrin canlı şahidlərdiridlər...Sizlər də bizim üçün bir ömür boyu borclu olduğumuz müharibə qəhrəmanlarısınız...

Bəs,Ali Baş Komandan?Bizim üçün ən böyük zirvə...Böyük bir ad,böyük kişinin böyük oğlu,ata vəsiyyətini yerinə yetirən,ərazicə kiçik,iradəcə böyük Azərbaycanın lideri...

Bir ordunun hərəkətə keçməsində,irəliləməsində,ruhlanmasında sərkərdənin nə boyda rola,əhəmiyyətə malik olduğunu izah etməyə ehtiyac duymuram...İlham Əliyev...Bu tarixə qədər bu şəxsiyyətin adı bizim üçün Azərbaycan Respublikasının Prezidenti olaraq tanış idi bəlkə də...2020-ci il  44 gün...Bu tarixdə bizim Prezident,bizim üçün yenidən kəşf edildi sanki...Onun müharibə dönəmində səngərdə döyüşən əsgəri ilə eyni zamanda siyasi meydanda  necə döyüşdüyünü  görmədinizmi?...İndiki dönəmdə siyasətin nə qədər  böyük rola,az qala atom silahı qədər gücə malik olduğunu hər kəs bilir...Ali Baş Komandan İlham Əliyevin BBC və bu kimi nəhəng telekanallarının hazırlıqlı gəlmiş müxbirlərinin qarşısında  necə səlis,dolğun cavablar verdiyini,mərdi-mərdanə dayandığını,Xalqının haqlı mövqeyini haqsız dünyaya necə çatdırdığını canlı görmədikmi?...Özü də yad dildə,doğma tərzdə...Mem olan Prezident ifadələri,qələbə xəbəri tvitləri bir başqa xatirədir bizlər üçün...Bundan böyük qəhrəmanlıq nə ola bilərdi?...

Bir də Mehriban xanım...Həmin o nəzakətli,mərhəmətli və hər kəsin ümid yeri olan XANIM... Hər bir  güclü  kişinin arxasında dayanan   iradəli  bir xanım  misalı...Mehriban xanımın şəhid anaları ilə  daimi təması,mənəvi dəstəyi hər şey deyildirmi?...

Qəhrəmanlar bitmirlər...Burada iki HİKMƏT də var...Biri səngərlərin,digəri isə siyasət meydanının Hikməti..Söhbətin kimlərədən getdiyini yəqin ki,hamınız bildiniz...

Müdafiə Nazirliyi Quru Qoşunlarının komandanı general-polkovnik Hikmət Mirzəyev...Bu ad hərbidə olan və olmayan  hər kəsə yaxşı bəllidir.Onun iradəsi,əzmi,peşəkarlığı və sözünü deyə bilməsi...Əsl  müharibə adamı olan Hikmət Mirzəyev...

Həmçinin oxuyun

Şəhid anası yanğında dünyasını dəyişdi

Təcili! Milli Məclis bu qərarları qəbul etdi

Pensiyalar nə qədər artırılacaq? - Millət vəkili 

Yanğında həlak olan ana və 2 övladı...

Bizim bir Hikmətimiz də var axı... Prezidentin köməkçisi,silahdaşı və etibarlı bir adam...Bu şəxsin siyasi meydanda,xarici ölkələrlə informasiya savaşında  nə boyda rol oynadığını görmədikmi?Əlbəttə,gördük və unutmadıq...Əbəs yerə deyilmirdi ki,burada bir Hikmət var...

Siyasət meydanı demişkən Prezidentin komandası olaraq XİN rəhbəri Ceyhun Bayramovu,müdafiə naziri cənab Zakir Həsənovu,daxili işlər naziri cənab Vilayət Eyvazovu,DTX rəisi cənab Əli Nağıyevi,Baş prokuror cənab Kamran Əliyevi öz əməkdaşları ilə necə çalışdıqlarını necə xatırlamayım?... Bu siyahı uzundur...çünki, onlar hərəsi öz cəbhəsində,öz əməkdaşları ilə gec-gündüz vuruşdular...

Azərbaycan əsgərinin cəbhədə şəhid olan cənazəsini çiynində məzara daşıyan,ölkənin daxili sabitliyi üçün günün 24 saatını yatmadan,dincəlmədən xidmət aparan,Şuşanın alınması xəbərinə  sevinən insanlara qoşulub qol qaldıran,bir anlıq o ciddi,sərhədli polis imicini  unudan,şəhid anasına sarılıb göz yaşları tökən POLİSLƏRİMİZİ necə xatırlamayaq ki?Axı bütün bunlar  bizim gözümüzün önündə baş verdi...Bir də Şəhid polislərimiz də var axı...Onların  silahdaşlarının bir  qismi  daxildə  sabitliyi qoruyan  zaman,digər silahdaşları odun,alovun içərisində Qarabağda vuruşurdu...

Bir də bizim DTXmız...Ölkənin,xalqın güvənc yeri..Cənab general-polkovnik Əli Nağıyevin rəhbər olduğu  bir qurum...DTX-nın müharibə günlərindən əvvəl və sonra nə boyda iş gördüyünün fərqindəyikmi?Açıla və açıla bilməyən informasiyalar var...Ancaq,DTX haqqında açıqlaya biləcəyim bir fakt varsa,o da onların səngərdəki əsgər qədər həm səngərdə,həm siyasətdə,həm də xaricdə döyüşdüyünü deyə bilərəm...

Siyahı  genişdir...Əsgərin yarasına məlhəm qoyan həkimlərimizi,tibb bacılarımızı,tibb qardaşlarımızı necə unudaq axı?...Şəhidləri ilk canlı görənlər də onlar olub axı...Məndə bu haqda xatirələr çoxdur...Sadəcə yazmaqla cümlə yetməz...

Sənət adamları,sıravi vətəndaşlar,dua edən körpələr,orduya dəstək verən iş adamları,keçmiş döyüşçülər və MEDİAMIZ... Bəli,jurnalistlərimiz də sona qədər əsgərlərlə  birgə döyüşdülər...Şəhid də oldular...Həm də şahid...

Siyahım sonsuzdur...Bu siyahıda  yazını oxuyan hər kəs özünü burada görə bilər...Çünki,biz XALQ olaraq bu döyüşə girdik və qalib çıxdıq...Bir də bizim qardaşlarımız  TÜRKİYƏ VƏ PAKİSTAN...

Ruhunuz şad olsun,ƏZİZ ŞƏHİDLƏR! Biz bu gün,Şuşa günündə,Zəfər Günündə Sizləri yad edir,qarşısınızda baş əyirik.

İmza: Oxu24.com saytının baş redaktoru Miri Məcidli