İsrail-İran müharibəsi yarımçıq qalıb - Sabiq səfir

"Axios" nəşri öz mənbələrinə istinadən olduqca diqqətçəkən məlumat yayıb. Nəşrin yazdığına görə, İsrail rəsmiləri Tehranın nüvə proqramını bərpa edəcəyi təqdirdə İrana növbəti hücumun mümkünlüyünü müzakirə edirlər

 Məlumata görə, İsrail rəsmiləri ABŞ prezidenti Donald Trampın belə bir ssenarini bəyənəcəyinə inanırlar.

"İsrail-İran müharibəsi yarımçıq qalıb"

Oxu24.com xəbər verir ki Modern.az-a açıqlamasında sabiq diplomat Nəsib Nəsibli bildirib ki, İsrail-iran müharibəsi yarımçıq qalıb:

“Hər iki ölkənin ritorikasından da bu anlaşılır. İran tərəfi dedi ki, bizim atom təsisatlarına çox böyük ziyan dəymədi. Amma İsrail İrandakı bütün nüvə obyektlərini dağıtdığını bəyan etdi. Burada ziddiyyət var. Əvvəla İran rəhbərliyinin bəyanatı yeni bir hücum üçün əsas verir. Yəni bir haldakı nüvə obyektləri tam dağıdılmayıbsa, deməli, yenidən bu işi görmək lazımdır. İran tərəfinin bəyanatı, təbii ki, daxili auditoriyanı sakitləşdirməyə hesablanmışdı, amma bundan İsrail və ABŞ istifadə edəcək. Orada ağır, tonlarla çəkisi olan bombanın verdiyi effekti biz gördük. Sanki atom bombası effekti idi. Baxın, ABŞ-dəki bəzi adamlar niyə "tamamən nüvə obyektlərini məhv edə bilmədik" deyirlər, çünki ayaq yeri qoyurlar. Çox önəmli məsələlərdən biri də MAQATE-nin İrandakı müşahidə missiyasın dayandırılması ilə bağlıdır. Bunun özü belə beynəlxalq hüquqa ziddir. Yəni İran dinc məqsədlər üçün atom enerjisi araşdırmaları aparırsa, MAQATE ilə əməkdaşlıq etmək məcburiyyətindədir".

Həmçinin oxuyun

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

İki  keçmiş nazirlə bağlı ŞOK AÇIQLAMA: Ramiz Mehdiyevə qarşı....

Tanınmış müğənninin qızı HƏBS EDİLDİ

"İranın hərbi gücü deyildiyi qədər deyil"

N.Nəsibli vurğulayıb ki, nə İsrail, nə də ABŞ asanlıqla İrandan əl çəkəcək:

"12 günlük savaşı izləyənlər bilirlər ki, ilk iki gün İran şok vəziyyətində idi. Yüksək rütbəli hərbçilərin və atom araşdırmaçılarını İran tərəfi itirdi. Amma bir az ondan sonra İran özünə gələ bildi. Burada xarici dəstək də oldu. Amma necə olursa-olsun, İran bu müharibədə uduzan tərəfdir. Kim qalib gəldi, kim qazandı - başqa məsələdir, amma İranın hərbi qüvvələri deyildiyi kimi güclü deyil. Xüsusilə də hava hücumlarından müdafiə qüvvələri çox zəifdir. Bu gün də İsrail İranın hava sahəsinə nəzarət edir, istədiyi vaxt ora daxil olur. Şübhəsiz ki, bu, İrana da dərs oldu. İran rəhbərliyi arada vaxt qazanmaq istəyir, buna görə də atəşkəsə razı oldu. Hətta müttəfiqlərini - Rusiyanı, Çini bu işə qoşmaq istəyir. Məncə bu olay beynəlxalq siyasətin ən önəmli məsələsindən birinə çevrildi. Nə İsrail, nə də ABŞ asanlıqla İrandan əl çəkəcək".