Putin Çindədir
17 Noyabr 2026, 23:10
Qaynar xətt:
(+99450) 247 90 86
SİYASƏT
269
03.07.2025, 11:46
Prezident İlham Əliyev iyulun 3-də Əhmədbəyli-Füzuli-Şuşa yolunun açılışında iştirak edib.
Oxu24.com xəbər verir ki, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlət başçısına görülmüş işlər barədə məlumat verib.
Bildirilib ki, mövcud yolun uzunluğu 101 kilometr, yeni yolun uzunluğu isə 81,7 kilometrdir. Yeni yol məsafəni 19,3 kilometr qısaldacaq. Birinci texniki dərəcəyə uyğun olan yolun ilk 48 kilometri 6, qalan 33,7 kilometri isə 4 hərəkət zolağından ibarətdir. Yolboyu 1 qovşaq, 11 körpü, 7 tunel, 6 viaduk, yeraltı keçidlər və digər zəruri infrastruktur yaradılıb. Layihə çərçivəsində inşa edilən körpülərin ümumi uzunluğu 1557 metrdir. Viadukların bəzilərinin tikintisi zamanı Azərbaycanda ilk dəfə olaraq aşırım qəliblərin üfüqi sürüşdürülməsi üsulu ilə betonlama işləri yerinə yetirilib. İnşaat işləri zamanı yolboyu dəmir-beton və metal sədd çəpərlər, işıqlandırma sistemi quraşdırılıb. Əhmədbəyli-Füzuli-Şuşa avtomobil yolu başlanğıcını Hacıqabul-Horadiz-Ağbənd-Zəngəzur dəhlizi magistral avtomobil yolundan götürməklə Füzuli, Xocavənd, Xocalı və Şuşanı birləşdirir.
Qeyd edək ki, bu yol dövlətimizin başçısının Sərəncamı ilə təsdiq olunmuş “İşğaldan azad edilmiş ərazilərə Böyük Qayıdışa dair I Dövlət Proqramı”na əsasən inşa olunub. Layihənin icrası daxili yol şəbəkəsinin şaxələndirilməsi, bölgə ilə respublikanın digər rayonlarının nəqliyyat əlaqəsinin yaxşılaşdırılması baxımından əhəmiyyətlidir. Bundan başqa, bu yol beynəlxalq nəqliyyat dəhlizlərinin ölkəmizdən keçən hissəsinin də tərkibinə aid olmaqla çox mühüm rol oynayır. Yeni yol, eyni zamanda, bölgədə turizmin inkişafına və iqtisadi fəallığı artırmağa da böyük töhfə verəcək.
00:38 / 18 Noyabr 2026
70
23:54 / 17 Noyabr 2026
104
23:36 / 17 Noyabr 2026
111
23:10 / 17 Noyabr 2026
106
23:03 / 17 Noyabr 2026
207
22:45 / 17 Noyabr 2026
112
22:22 / 17 Noyabr 2026
108
22:08 / 17 Noyabr 2026
256
21:51 / 17 Noyabr 2026
118
21:38 / 17 Noyabr 2026
122
21:20 / 17 Noyabr 2026
120
21:11 / 17 Noyabr 2026
123
20:45 / 17 Noyabr 2026
125
20:39 / 17 Noyabr 2026
149
20:23 / 17 Noyabr 2026
128
20:12 / 17 Noyabr 2026
149
19:59 / 17 Noyabr 2026
143
19:51 / 17 Noyabr 2026
146
19:40 / 17 Noyabr 2026
251
19:39 / 17 Noyabr 2026
139
19:28 / 17 Noyabr 2026
1060
19:21 / 17 Noyabr 2026
138
19:14 / 17 Noyabr 2026
143
© 2026 Oxu24.com Müəllif hüquqları qorunur.