Xələf Xələfov Putinin köməkçisi ilə görüşüb 

Azərbaycan Prezidentinin Xüsusi tapşırıqlar üzrə nümayəndəsi Xələf Xələfov Moskvada Rusiya Prezidenti Vladimir Putinin beynəlxalq məsələlər üzrə köməkçisi Yuri Uşakovla görüşüb.

Bu barədə  Azərbaycanın Rusiyadakı səfirliyindən bildirilib.

Qeyd olunub ki, 7-9 aprel 2025-ci il tarixlərində Azərbaycan Respublikası Prezidentinin Xüsusi tapşırıqlar üzrə nümayəndəsi Xələf Xələfov Moskvada işgüzar səfərdə olub.

Səfər çərçivəsində X.Xələfov Rusiya Federasiyasının Xarici İşlər Naziri Sergey Lavrov, Rusiya Federasiyası Prezidentinin köməkçisi Yuri Uşakov, Rusiya Federasiyası Federal Məclisi Federasiya Şurasının Beynəlxalq Əlaqələr Komitəsinin sədri Qriqori Karasin, Rusiya Federasiyasının Xarici İşlər Nazirinin müavinləri Mixail Qaluzin və Andrey Rudenko ilə görüşlər keçirib.

Görüşlər zamanı Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirəyə sədrliyinin gündəliyi, onun institusional inkişafı və beynəlxalq təşkilata çevrilməsi məsələləri, o cümlədən qarşılıqlı fəaliyyət planı müzakirə olunub.

Görüşlərdə ölkələrimiz arasında müxtəlif səviyyələrdə konstruktiv dialoqa yüksək qiymət verilib, Azərbaycan-Rusiya münasibətlərinin inkişaf etdirilməsi, ikitərəfli və çoxtərəfli əməkdaşlığın, o cümlədən parlamentlərarası təmasların davam etdirilməsinin vacibliyi qeyd edilib.

Həmçinin oxuyun

Ruslar kimi dost,kimi özlərinə düşmən hesab edir?  —  Sorğunun maraqlı nəticələri

Yuxuda at görmək nə deməkdir?  

Polis qadını bu vəziyyətdə tapdı: Azərbaycanda şok hadisə +FOTOLAR

Ağız qəza baş verib: Yaralılar var 

Danışıqlar zamanı məmnunluqla vurğulanıb ki, Azərbaycan və Rusiya arasında 22 fevral 2022-ci il tarixli Müttəfiq əməkdaşlığı haqqında Bəyannamə ikitərəfli münasibətlərin əsasını təşkil edir və uzunmüddətli ikitərəfli əməkdaşlıq üçün möhkəm zəmin yaradır.

Bu kontekstdə ikitərəfli münasibətlərin hazırkı vəziyyətinə nəzər salınıb və Azərbaycan tərəfini narahat edən məsələ ilə bağlı müvafiq tədbirlərin görülməsinə xüsusi diqqət yetirilib.

Danışıqlar zamanı Cənubi Qafqazda və Xəzər regionunda uzunmüddətli sabitliyin və təhlükəsizliyin möhkəmləndirilməsi üçün birgə səylərin davam etdirilməsinin vacibliyi də vurğulanıb.

“Görüşlər konstruktiv və işgüzar şəraitdə keçib", - deyə səfirliyin məlumatında bildirilib.