Türkiyə Azərbaycanın sabit inkişafı naminə bundan sonra da qardaşlarını dəstəkləyəcək.

Oxu24.com  xəbər verir ki, bunu Türkiyənin milli müdafiə naziri Yaşar Güler Yeni il müraciətində deyib.

O, Ankara və Bakının siyasətinin “Bir millət, iki dövlət” tezisi üzərində qurulduğunu qeyd edib: “Biz təhlükəsizlik və əmin-amanlıq məsələlərində Türkiyə ilə Azərbaycan arasında fərq qoymuruq. Biz Azərbaycandakı qardaşlarımızın yanında olmuşuq və olacağıq!”

Y.Güler iki ölkənin tarixi dostluq və qardaşlıq bağlarına diqqət çəkib.

O, həmçinin “Azərbaycan Hava Yolları”na (AZAL) məxsus təyyarənin qəzaya uğraması ilə bağlı başsağlığı verib.