Rusiya hələ də buna görə Ukraynaya PUL ÖDƏYİR

​​​"Rusiya Ukraynaya ərazisindən qaz tranziti üçün pul ödəməyə davam edir".

OXU24.COM  xəbər verir ki, bunu Rusiya prezidenti Vladimir Putin deyib.

"Müharibəyə baxmayaraq, biz müntəzəm olaraq qaz tədarükünü davam etdirdik və hələ də Ukrayna ərazisindən tranzit üçün pul ödəməyə davam edirik ", - Putin deyib.

Putin Kiyevin Kursk vilayətində silahlı təxribatlarına baxmayaraq, qaz tranzitinin dayanmadığını vurğulayıb. O, əlavə edib ki, Soxranovka keçid məntəqəsində heç bir maneəsiz işləyən ukraynalı mütəxəssislər olub.

“Onları heç kim narahat etmədi, sakitcə öz tapşırıqlarını yerinə yetirdilər, hər şey normal keçdi”, - prezident qeyd edib.

O əlavə edib ki, tranzit döyüşlərin getdiyi Sudjadan da davam edir.

“Biz gündə 14 milyon kubmetr qaz tədarük etməyə davam edirik”, - Putin yekunlaşdırıb.

Rusiya lideri onu da bildirib ki, Yeni ilə bir neçə gün qalmış Ukrayna ərazisindən qaz tranziti ilə bağlı müqavilə bağlamaq mümkün olmayacaq.