ABŞ kəşfiyyatı: İran hücuma hazırlaşır - “Bizi bir neçə çətin gün gözləyir”

Ağ Ev İranın HƏMAS-ın siyasi bürosunun rəhbəri İsmayıl Haniyənin Tehranda ölümünə cavab olaraq İsrailə hücum edəcəyinə şübhə etmir.

OXU24.COM xəbər verir ki,bu bardə 3 ABŞ rəsmisi danışıb.

Onar bildiriblər ki, ABŞ prezidenti Co Bayden administrasiyası İranın bu həftənin əvvəlində HƏMAS-ın siyasi lideri İsmayıl Haniyənin Tehranda öldürülməsinə cavab olaraq İsrailə hücum etməyi planlaşdırdığına əmindir. ABŞ buna müqavimət göstərməyə hazırlaşır. Həkim tap

Çərşənbə günü ABŞ kəşfiyyatı İranın cavab verməyi planlaşdırdığına dair aydın əlamətlər almağa başlayıb.

Eyni zamanda, Vaşinqton gözləyir ki, Tehran aprelin 13-də İsrailə raket və PUA hücumundan fərqli , lakin daha geniş miqyaslı taktikaya müraciət edə bilər. Əməliyyata Livan "Hizbullah"ı da qoşula bilər.

Amerikalı rəsmilərin fikrincə, İran və müttəfiqlərinə hücumu əlaqələndirmək və hazırlamaq üçün bir neçə gün lazımdır. Eyni zamanda, Pentaqon və ABŞ Mərkəzi Komandanlığı apreldə görülən tədbirlərə bənzər cavab tədbirləri hazırlayır: hücumu dəf etmək üçün Fars körfəzi, Aralıq dənizi və Qırmızı dənizdəki ABŞ qüvvələrinə və aktivlərinə kömək edir.

"Bizi bir neçə çətin gün gözləyir", - deyə mənbələrdən biri vurğulayıb.

Pentaqon bu məlumatı şərh etməkdən imtina edib.