Martın 31-dən etibarən "WhatsApp” artıq bu cihazlarda işləməyəcək.

Oxu24.com  xəbər verir ki, dünyanın hər yerindən milyardlarla gündəlik aktiv istifadəçisi olan məşhur mesajlaşma proqramı olan "WhatsApp” 31 mart tarixindən etibarən bəzi telefonlarda işləməyəcək.

 "WhatsApp” bəzi əməliyyat sistemlərindən istifadə edən telefon və planşet kimi cihazların martın 31-dən etibarən "WhatsApp” tətbiqindən istifadə edə bilməyəcəyini açıqlayıb. 

"WhatsApp” proqramı tez-tez yenilənir və tətbiqə yeni funksiyalar əlavə olunur. Bu səbəbdən bir müddət sonra "WhatsApp" yeni funksiyalarını dəstəkləməyən bəzi köhnə telefonları və köhnə əməliyyat sistemlərindən istifadə edən cihazları artıq dəstəkləyə bilməyəcəyini açıqlayır.

"WhatsApp”-dan verilən son açıqlamaya görə, martın 31-dən etibarən WhatsApp bəzi Android, iOS və KaiOS versiyalarından istifadə edən telefonlarda mövcud olmayacaq.

"WhatsApp"-ı dəstəkləməyəcək telefonlar bunlardır:

LG - LG Optimus F7, Optimus L3 II Dual, Optimus F5, Optimus L5 II, Optimus L5 II Dual, Optimus L3 II, Optimus L7 II Dual, Optimus L7 II, Optimus Prime F6, LG Enact, Optimus L4 II Dual, Optimus Prime F3, Optimus L4 II , Optimus L2 II və Optimus F3Q.

Motorola - Motorola Droid Razr.

Xiaomi - Xiaomi HongMi, Mi2a, Mi2s, Redmi Note 4G və HongMi 1s.

Huawei - Huawei Ascend D, Quad XL, Ascend D1, Quad XL və Ascend P1 S.

Samsung - Samsung Galaxy Trend Lite, Galaxy S3 mini, Galaxy Xcover 2 və Galaxy Core.