Ermənistanın Azərbaycan ərazilərində olan silahlı bölmələrinin bəzi qrupları bölgəni boşaltmaqdan imtina edirlər. 

Oxu24.com  xəbər verir ki, bu barədə Türkiyə mətbuatı məlumat yayıb. 

Erməni əsgərlərin Dağlıq Qarabağ bölgəsinin meşəlik ərazilərində gizləndikləri bildirilib. Silahlılar Rusiya sülhməramlılarına müqavimət göstərirlər və silahı yerə qoymurlar. Bu səbəbdən, Laçın, Kəlbəcər və Ağdam rayonlarına əlavə qüvvələr cəlb olunub. Bəzi Rusiya və Ermənistan mənbələrinin yaydığı məlumatlarda bildirilir ki, özlərini “Smertnik” adlandıran bəzi silahlı qruplar erməni rahibləri ilə birlikdə Kəlbəcərdəki kilsəyə girdikləri və “Burada öləcəyik” şuarı ilə əsgərlərə tabe olmurlar. 

İddialara görə, Ermənistanın baş naziri Nikol Paşinyan Rusiya prezidenti Vladimir Putinə əsgərlərin ona tabe olmaqdan imtina etməsi ilə bağlı şikayətlənib. Paşinyanın Putinlə telefon danışığında əsgərlərin və zabitlərin onu dinləmədiyini, tabe olmaq istəmədiklərini bildirib. Baş nazir Vladimir Putindən kömək istəyib.

Qeyd edək ki, ötən gün Rusiya sülhməramlılarının Ağdam rayonunda ərazini tərk etmək istəməyən erməni silahlıları mühasirəyə aldığı barədə görüntülər yayılmışdı. Həmin görüntülərdə sülhməramlı əsgərlərin erməni silahlılara ərazini tərk etmələri ilə bağlı xəbərdarlıqlar edildiyi öz əksini tapıb. İddialara görə, Ağdam ərazisində silahlılarla sülhməramlılara arasında atışma baş verib və hər iki tərəfdən itkilər var. 

Noyabrın 10-da Azərbaycan, Rusiya və Ermənistan rəhbərlərinin imzaladığı birgə bəyanata əsasən, Ermənistan ordusu dekabrın 1-nə qədər Azərbaycanın işğal altında olan bütün ərazilərindən çıxmalıdır.(Missiya.az)