Azərbaycanda  hüquqları pozulan fəhlələr ölkə başçısı İlham Əliyevdən kömək istəyib.

Oxu24.com xəbər verir ki, Prezidentin sərəncamı ilə tikilən Zərdab-Ucar yolunun tikitisində işləyən şəxslər aldadılıb. Tikintini  həyata keçirən "Körpü-Bina-Tikinti" şirkəti  bir  neçə  fəhləni  işə  götürsə də, müqavilə  bağlamayıb. 

Şirkət  Allahverdiyev  Valeh  Əliyusif  oğlunu, Manafov İlkin  Manaf  oğlunu,Xəlilov  İsrayıl Marif  oğlunu  aldadaraq əmək  müqaviləsi olmadan  tikintidə  işlədib.Şirkətin  Mübariz  adlı  əməkdaşı  sakinlərdən  əmək  müqaviləsi  bağlanması  üçün  sənədləri  istəyib. İşə düzəlmək üçün  tələb  olunan  bütün  sənədlər  təqdim olunub. İşə  başlayan  vətəndaşlar  müqavilənin  bağlanmasının  gecikdiyini  gördükdə  narahatlıq  keçirib. "Körpü-Bina-Tikinti" şirkətinin  əməkdaşı  isə  onlara  vəd  verərək  müqavilənin  tezliklə  bağlanacağını   söz  verib. 10 aydan  sonra  fəhlələr  heç  bir  müqavilə  bağlanmadan  işdən  qovulub.

Qeyd  olunan  məsələ ilə  bağlı  şəxslər  rəsmi  şəkildə  Əmək və  Əhalinin  Sosial  Müdafiəsi  Nazirliyinin yanında  fəaliyyət göstərən Əmək Müfəttişliyinə, Vergi İdarəsinə və Baş Prokurorluğa müraciət edib.Buna baxmayaraq  heç bir qurumdan  fəhlələrin müraciətinə  cavab  gəlməyib.

Bundan  sonra  şəxslər  ölkə  başçısına  video  müraciət  ünvnlayıb. Onlar  pozulmuş  hüquqlarının  bərpası  üçün  ölkə rəhbərindən kömək istəyib.Onlar bildirib ki, Əmək Müfəttişliyi  şikayəti  araşdırmır  və  şirkət  bu günə  kimi  cəzasın almayıb.

Fəhlələr yeganə ümid yerlərinin ölkə  başçısı  olduğunu  bildirib.

Daha ətraflı  bu linkdən oxuyun:  "Körpü - Bina Tikinti"  fəhlələri  müqaviləsiz  işlətdi  —  Prezidentin  göstərişlərinə zidd gedənlər kimdir?

Sözügedən  videonu  təqdim  edirik: