İmişlidə ferma yanıb, 60 baş iri buynuzlu heyvan tələf olub.

Oxu24.com-a  FHN-dən verilən məlumata görə, rayonun Xəlfəli kəndində ümumi sahəsi 1400 kvadrat metr olan tövlənin qamışdan ibarət dam örtüyü 600 kvadrat metr sahədə yanıb. 

Yanğın zamanı 60 baş iribuynuzlu heyvan tələf olub, 250 baş iribuynuzlu heyvan isə təhlükəsiz əraziyə köçürülüb. 

Əraziyə İmişli Rayon Yanğından Mühafizə bölməsinin avtomobilləri, canlı qüvvəsi cəlb olunub və alov söndürülüb.

Faktla bağlı araşdırma aparılır.