Ucarda yük maşını piyadanı vurub. 

APA TV-nin yerli bürosunun xəbərinə görə, hadisə rayonun Qarabörk kəndi ərazisində baş verib. 1962-ci il təvəllüdlü Rəhman Abdurrəhmanov idarə etdiyi "Nova" markalı yük maşını ilə piyada,  Cəlilabad rayon sakini Əfqan Quliyevin üstündən keçib.

Nəticədə piyada hadisə yerində ölüb.

Hadisə şahidlərinin sözlərinə görə, tikinti işləri gedən Ucar-Zərdab yoluna torpaq daşıyan "Nova" markalı yük maşınının sürücüsü nəqliyyat vasitəsini arxaya verərkən "Körpü Bina Tikintini"nin əməkdaşı olan Əfqan Quliyevi  görmədiyindən hadisə baş verib.

Faktla bağlı araşdırma aparılır.