Güclü yanğın: Gənc oğlan zəhərləndi

Sumqayıtda yanğın olub. 

APA TV-nin məlumatına görə, hadisə şəhərin Hacı Zeynalabdin qəsəbəsində 8 saylı yataqxananın 4-cü mərtəbəsindəki mənzildə qeydə alınıb. Yanğın nəticəsində mənzil 20 kvadratmetr sahədə yanıb, orada olan əşyalar yararsız hala düşüb. 

Əraziyə yanğınsöndürənlər cəlb olunub və alov söndürülüb. 

Hadisə zamanı həmin evdə yaşayan 2000-ci il təvəllüdlü Soltan Soltanov tüstüdən zəhərlənib. Ona təcili tibbi yardım əməkdaşları tərəfindən yardım göstərilib. 

Yanğının başvermə səbəbləri aparılan araşdırmalardan sonra məlum olacaq.