Kafedə əməliyyat: Tutulanlar var (VİDEO)

Koronavirus infeksiyasının yayılmasının qarşısının alınması məqsədilə ölkə ərazisində elan olunmuş xüsusi karantin rejiminin tələblərini pozan kafe aşkarlanıb. 

DİN mətbuat xidmətindən Oxu24.com-a  verilən xəbərə görə, Abşeron Rayon Polis İdarəsinin əməkdaşları  xidməti vəzifələrini yerinə yetirən zaman Xırdalan şəhəri, “köhnə bazar” adlanan ərazidə “Pivnuşka”  adlı kafenin fəaliyyət göstərdiyini aşkar ediblər. 

Kafeyə baxış keçirən polis əməkdaşları orada müştəri qismində əyləşən 4 nəfəri və obyekti icarə əsasında işlədən Ömər Hacıyevi saxlayıblar.

Saxlanılan şəxslərin bəziləri cərimə olunublar.

Məhkəmənin qərarı ilə Ömər Hacıyev 20, Elnur Bilalov və Kamil İskəndərov isə 6 sutka həbs edilib.