Türkiyə Antalyada 17 yaşlı İ. D adlı qız qardaşını məktəbdən götürmək üçün evdən çıxıb və bir daha ondan xəbər alınmayıb.

Oxu24.com xəbər verir ki, gənc qızdan bir daha xəbər alınmadıqda ailəsi Antalya polis bölməsinə müraciət edib.
Bel nahiyəsində platin olan və yeriməkdə çətinlik çəkən qızının həyatından narahat olan ata itkin elanları hazırlayaraq yaşadığı məhəllədə hər yerə asıb.

Polisin axtarış işləri nəticəsində gənc qızın onunla eyni məhəllədə yaşayan bir gəncin yanında qaldığı öyrənilib. Ata qızını sağlam şəkildə tapdığına çox sevinib. Qızının məhəllədəki gənclərin yanında öz istəyi ilə qaldığını vurğulayan ata şikayətçi olacağını bildirib.

Oxu24.com