Ədliyyə əsgərləri haqqında maraqlı FAKTLAR: Orada kimlər xidmət edə bilər?

Ədliyyə əsgərləri: Penitensiar təhlükəsizliyin əsas dayağı

Ədliyyə əsgərləri Azərbaycan Respublikasının Ədliyyə Nazirliyinin Penitensiar Xidmətinin Mühafizə Alayında xidmət edən müddətli həqiqi hərbi xidmət əsgərləridir.

Oxu24.com  xəbər verir  ki,onlar cəzaçəkmə müəssisələrinin, istintaq təcridxanalarının və xüsusi rejimli obyektlərin təhlükəsizliyini təmin edən əsas qüvvə hesab olunur.

Ədliyyə əsgərləri xidmətə başlamazdan əvvəl və xidmət müddətində mütəmadi olaraq:

hərbi-taktiki hazırlıq, atıcılıq və xüsusi əməliyyat bacarıqları, penitensiar qanunvericilik və insan hüquqları, psixoloji dayanıqlıq və stresin idarə olunması, müasir təhlükəsizlik və nəzarət sistemlərindən istifadə üzrə təlimlərdən keçirlər.

Bu biliklər onların həm fiziki, həm də hüquqi baxımdan peşəkar fəaliyyət göstərməsinə imkan yaradır.

Mühafizə Alayının tərkibində fəaliyyət göstərən Xüsusi Təyinatlı Bölük ən riskli vəziyyətlər üçün nəzərdə tutulub. Bu bölükdə də müddətli həqiqi hərbi xidmət əsgərləri xidmət edir. 

Son illər penitensiar sahədə aparılan islahatlar çərçivəsində:

ədliyyə əsgərlərinin peşəkarlığının artırılması, maddi-texniki təminatın gücləndirilməsi, xidmət şəraitinin yaxşılaşdırılması, beynəlxalq standartlara uyğunlaşma prioritet istiqamətlər kimi müəyyən edilib.

Ədliyyə əsgərləri cəzaçəkmə müəssisələrində:

sabitliyin qorunmasında, təhlükəsizliyin təminində, insan hüquqlarının qorunması ilə təhlükəsizlik balansının saxlanılmasında xüsusi rol oynayır.

Ədliyyə Nazirliyinin Penitensiar Xidmətinin Mühafizə Alayının strukturunda hazırda 20 bölük fəaliyyət göstərir. Bu bölüklər cəzaçəkmə müəssisələrinin mühafizəsi, xüsusi obyektlərin qorunması, operativ təhlükəsizlik tədbirlərinin həyata keçirilməsi və təminat işlərinin icrası üzrə ixtisaslaşıb.

Mühafizə Alayının tərkibində aşağıdakı bölüklər mövcuddur:

1-ci, 2-ci, 3-cü, 5-ci, 6-cı, 7-ci, 8-ci, 10-cu, 11-ci, 12-ci, 13-cü, 14-cü, 15-ci, 16-cı, 17-ci və 18-ci bölüklər, həmçinin Unbaku bölüyü, Lənkəran bölüyü, Xüsusi Təyinatlı Bölük, İntendant bölüyü və Konvoy taboru.

Həmçinin oxuyun

Yağış gözlənilir - ƏHALİYƏ XƏBƏRDARLIQ

Məşhurların övladları: Rəis,nazir,diplomat... -DOSYELƏR

Nəzarətsiz  vitamin qəbulu  öldürə bilər? - QİDA EKSPERTİNDƏN AÇIQLAMA  

Azərbaycanda bu tarixdə 12 DƏRƏCƏ ŞAXTA OLACAQ - XƏBƏRDARLIQ 

Regional prinsiplə təşkil olunmuş Salyan və Lənkəran bölükləri aidiyyəti ərazilərdə yerləşən cəzaçəkmə müəssisələrinin təhlükəsizliyinin təmin edilməsində mühüm rol oynayır. 

Xüsusi Təyinatlı Bölük isə yüksək riskli vəziyyətlərdə, fövqəladə hallarda və xüsusi əməliyyatların icrasında cəlb olunur. Penitensiar Xidmətin Mühafizə Alayının xüsusi təyinatlı bölüyü əsasən məhz ixtişaşlar zamanı aktiv rol oynayır. Həbsxanalarda məhkumlar arasında qayda pozuntuları və kütləvi etirazlar baş verdikdə, xüsusi təyinatlı bölük sakitlik və nizamın bərpası üçün çağırılır.

Bu bölük fiziki hazırlığı və taktiki bacarıqları yüksək olan əsgərlərdən ibarətdir. Məhkumlar arasında silahlı və ya silahsız zorakılıq halları baş verərsə, bölük təhlükəsiz və minimal itki ilə müdaxilə etmək üçün hazırlanır. Bölük ixtişaşın miqyasına görə digər mühafizə bölmələri və hüquq-mühafizə orqanları ilə koordinasiyalı şəkildə əməliyyat aparır.

XTB-yə polkovnik-leytenant Vüsal Cavadov başçılıq edir. 

İntendant bölüyü isə Alayın daxili məsələlərini həyata keçirərək şəxsi heyətin fasiləsiz və effektiv fəaliyyətini təmin edir.

Ədliyyə Nazirliyinin Konvoy Taborunun əsgərləri həbs olunan şəxslərin təhlükəsiz daşınmasını təmin edir. Xüsusi təlimlərdən keçmiş əsgərlər tabor çərçivəsində yüksək hazırlıq səviyyəsi ilə xidmət göstərir.

Ədliyyə Nazirliyinin Penitensiar Xidmətinin Mühafizə Alayında sürücü vəzifəsində əsgərlər xidmət edir.

Mühafizə Alayında xidmət edən sürücü əsgərlər yüksək rütbəli əməkdaşların təhlükəsiz və səmərəli nəqliyyat təminatını həyata keçirir.

Qeyd edək ki, Mühafizə Alayında fəaliyyət göstərən bütün bölüklər arasında koordinasiya penitensiar müəssisələrdə təhlükəsizliyin qorunmasına, rejim qaydalarına əməl olunmasına və operativ reaksiyanın təmin edilməsinə xidmət edir.

 Ədliyyə Nazirliyinin Pentensiar Xidmətinin Mühafizə Alayının komandiri vəzifəsini polkovnik-leytenant Bəxtiyar Məmmədov icra edir. Ədliyyə Nazirliyinin Pentensiar Xidmətinə general-mayor Mirsaleh Seyidov başçılıq edir. 

Miri Məcidli