Məhkəmədən qayıdan 89 yaşlı kişini maşın vuraraq öldürdü - Video
17 Noyabr 2026, 23:54
Qaynar xətt:
(+99450) 247 90 86
KRİMİNAL
274
29.06.2025, 23:48
Son illərdə Rusiyada baş verən ictimai-siyasi hadisələr, xüsusilə miqrantlara və milli azlıqlara qarşı atılan addımlar bu ölkədə diskriminasiya xarakterli siyasətin getdikcə daha da gücləndiyini göstərir.
Oxu24.com xəbər verir kibunu Milli.Az-a açıqlamasında Milli Məclisin deputatı Sevil Mikayılova deyib.
S.Mikayılova bildirib ki, müxtəlif regionlarda, o cümlədən Yekaterinburqda baş verən son insidentlər bir daha sübut edir ki, proseslər təsadüfi deyil.
"Artıq Rusiya hakimiyyəti insan resursu çatışmazlığını aradan qaldırmaq üçün müxtəlif yollar axtarır və bu prosesdə miqrantlara qarşı təzyiq, şantaj və məcburiyyət üsullarından istifadə olunur. Miqrantların narkotik ittihamları, saxta cinayət işləri və ailə üzvləri ilə şantaj edilməsi geniş yayılmış üsullardandır.".
Onun sözlərinə görə, bu siyasət yalnız miqrantlara deyil, eyni zamanda milli azlıqlar arasında Rusiya vətəndaşlarına da yönəlib. Hadisələrin yalnız Yekaterinburqla məhdudlaşmadığı, ölkənin digər bölgələrində də sistemli şəkildə həyata keçirildiyi görünür. Rusiya İstintaq Komitəsinin sədri Aleksandr Bastrıkinin son etirafları və rəsmi statistika da bu tendensiyanın miqyasını ortaya qoyur.
"Azərbaycanla bağlı münasibətlər kontekstində də ciddi siqnallar mövcuddur. Azərbaycan hələ də öz mülki təyyarəsinin vurulması faktını unutmamışdır. Moskvanın bu məsələdə sərgilədiyi laqeydlik və passiv mövqe Azərbaycanda haqlı narazılıq doğurur. Rəsmi Bakı bu hadisəni beynəlxalq müstəviyə çıxararaq günahkarların cəzalandırılmasına və ədalətli kompensasiyaların təmin olunmasına nail olmaq niyyətindədir".
Deputat qeyd edib ki, Azərbaycan parlamentinin deputatının Həştərxanda keçirilən tədbirə buraxılmaması, ölkəmizin informasiya resurslarına qarşı həyata keçirilən kiberhücumlar və Milli Məclisin komissiya hesabatında yer alan faktlar Rusiyanın Azərbaycana qarşı münasibətində qərəzli mövqeyin mövcudluğunu açıq şəkildə göstərir.
"Kremlə yaxın media nümayəndələri, xüsusilə Solovyov kimi təbliğatçılar açıq anti-Azərbaycan ritorikası ilə çıxış edərək cəmiyyət arasında düşmən obrazı formalaşdırmağa çalışırlar. Bu da onu göstərir ki, proses təkcə spontan reaksiyalar yox, mərkəzləşdirilmiş ideoloji kampaniyanın nəticəsidir".
S.Mikayılova əlavə edib ki, eyni zamanda Ermənistanda revanşist qüvvələrin fəallaşması, Koçaryan və Sarkisyan kimi fiqurların yenidən səhnəyə çıxması da Moskvadan idarə olunan daha geniş planın tərkib hissəsidir. Məqsəd Cənubi Qafqazda gərginliyi yenidən alovlandırmaq, regionu müharibə və xaos içərisində saxlamaqdır.
Bütün bu proseslər bir daha sübut edir ki, Rusiyanın mövcud milli siyasəti yalnız region üçün deyil, ümumilikdə beynəlxalq sabitlik üçün də ciddi təhdidlər yaradır. Azərbaycan isə qarşı tərəfin bütün təzyiqlərinə baxmayaraq öz mövqeyini qoruyacaq, milli maraqlarını müdafiə etməkdə davam edəcəkdir".
00:38 / 18 Noyabr 2026
81
23:54 / 17 Noyabr 2026
112
23:36 / 17 Noyabr 2026
122
23:10 / 17 Noyabr 2026
115
23:03 / 17 Noyabr 2026
218
22:45 / 17 Noyabr 2026
121
22:22 / 17 Noyabr 2026
117
22:08 / 17 Noyabr 2026
266
21:51 / 17 Noyabr 2026
124
21:38 / 17 Noyabr 2026
130
21:20 / 17 Noyabr 2026
126
21:11 / 17 Noyabr 2026
128
20:45 / 17 Noyabr 2026
130
20:39 / 17 Noyabr 2026
153
20:23 / 17 Noyabr 2026
133
20:12 / 17 Noyabr 2026
155
19:59 / 17 Noyabr 2026
147
19:51 / 17 Noyabr 2026
149
19:40 / 17 Noyabr 2026
254
19:39 / 17 Noyabr 2026
141
19:28 / 17 Noyabr 2026
1077
19:21 / 17 Noyabr 2026
140
19:14 / 17 Noyabr 2026
145
© 2026 Oxu24.com Müəllif hüquqları qorunur.