Dollar UCUZLAŞDI – Manatın məzənnəsi ilə bağlı KRİTİK PROQNOZ

İQTİSADİYYAT

2076

02.07.2025, 18:26

Azərbaycanda bankların əhalidən ABŞ dollarının nağd şəkilində alışı satışın həcmini yenidən ötməyə başlayıb və bu da konvertasiya məzənnəsinin 1.7 dollar-manat səviyyəsindən aşağıda qalmasına səbəb olub.

Azərbaycan Mərkəzi Bankının məlumatına görə, banklar əhalidən cari ilin mayında 186.13 milyon dollar aldığı halda, 123.14 milyon dollar satış ediblər.

Bankların konvertasiyasında alışların satışları $63 milyon üstələməsi deməkdir. Sonuncu dəfə bu həcmdə fərq 2023-cü ilin mayından bu tərəfə ($70 mln.) ən yüksək göstəricidir.

Ümumilikdə ilk beş ayda banklar əhaliyə $888.55 mln. satarkən, $729.11 mln. alıb.

Alışların son ayda satışları üstələməsi orta konvertasiya 1 dolların məzənnəsini 1.6979 manata qədər endirib. Aprel ayında orta məzənnə 1.6988 manat idi.

Qeyd edək ki, adətən valyuta dəyişmə məntəqələrində dollar nağd şəkildə 1.7 manatdan baha satırdılar.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bu cür enişə səbəb nədir?

Mövzu ilə bağlı Bizim.Media-ya danışan iqtisadçı ekspert Natiq Cəfərli deyir ki, manatın dəyər qazanması indiki şəraitdə mümkün deyil:

“Sadəcə olaraq yay aylarında ölkəmizə daha çox turist gəlir. Onlar da özləri ilə gətirdikləri dollarları burda xərcləyirlər. Bir sözlə insanlar əllərində olan dollarları manata çevirdikləri üçün dolların məzənnəsi bir qədər aşağı düşür.

Nəzərə alaq ki, bu ilk belə hal deyil. Əvvəllərdə də anoloji proses yaşanıb. Unutmayaq ki, Azərbaycanda məzənnə inzibati yolla tənzimlənir, bazar qaydaları işləmir. Ona görə də manatın dəyər qazanması müvəqqəti bir haldır. Manatın dəyər qazanması üçün fundamental səbəblər olmalıdır. Hələlik bu səbəblər yoxdur. Əksinə bizdə ticarət dövriyyəsində müsbət saldo əvvəlki illərdə milyardlarla ölçülürdü, indi isə müsbət saldo milyonlarla ifadə olunur. Bu mənada hazırda manat üzərində basqı da var”.