Qaynar xətt:

(+99450) 247 90 86

Dollar sürətlə bahalaşır 

İQTİSADİYYAT

259

19.06.2025, 13:59

İnvestorların geosiyasi qeyri-sabitliyin artması fonunda müdafiə axtarması ilə dollar cümə axşamı, iyunun 19-da möhkəmlənib. ABŞ-ın İrana mümkün hücumu ilə bağlı xəbərlər bazarları hərəkətə gətirdi və bu, Yaxın Şərqdə münaqişənin genişlənməsi qorxusunu artırdı.

“Reuters” xəbər verir ki, dollar, Asiyada ticarətə sakit başlayandan sonra kəskin bahalaşıb, riskli aktivlər və valyutalara təzyiq göstərib.

Avstraliya dolları 0,3% ucuzlaşaraq 0,6489, Yeni Zelandiya dolları isə 0,5% ucuzlaşaraq 0,5998 olub. Cənubi Koreya vonunun 1% zəifləməsi ilə inkişaf etməkdə olan bazar valyutaları da zərər çəkdi.

Geosiyasi gərginlik dolları təhlükəsiz sığınacaq statusuna qaytarıb. Yeni, avro və İsveçrə frankı qarşısında möhkəmlənib. Avro həftə ərzində 0,8% azalaraq 1,1455 dollara qədər bir həftənin ən aşağı səviyyəsinə enərək fevral ayından bəri ən böyük enişdir. Yapon yeni 1 dollar üçün 145,13-ə düşüb.

İngiltərə Bankının uçot dərəcəsini dəyişməz saxlayacağı gözləntiləri ilə funt sterlinq də 1,3403 dollara (-0,14%) kimi zəifləyib.

Dolları altı əsas valyutaya nisbətdə ölçən dollar indeksi 0,11% artaraq 99 bənd olub və həftə ərzində 0,9% artaraq yanvar ayının sonundan bəri ən böyük həftəlik qazancını əldə edib.

Nigar