Qaynar xətt:

(+99450) 247 90 86

Qızılın ucuzlaşacağı  açıqlandı 

İQTİSADİYYAT

201

17.06.2025, 16:15

Gələn ilin ikinci yarısında qızılın unsiyası 2500-2700 dollara qayıdacaq. Bunu Citigroup Inc analitikləri proqnozlaşdırırlar.

Oxu24.com  xəbər  verir    ki,  bu  barədə  Bloomberg məlumat  yayıb.

Onlar hesab edirlər ki, bu tendensiyanın səbəbləri zəif investisiya tələbi və ABŞ Federal Ehtiyat Sisteminin uçot dərəcəsini aşağı salmasıdır. Birincisi, qlobal iqtisadi artıma inamın hər hansı təvazökar yaxşılaşması, ikincisi isə Amerika tənzimləyicisinin neytral siyasətə keçmək üçün çoxlu imkanlara malik olması ilə təmin ediləcək. 

Bununla bağlı nəşr 2025-ci ildə qızılın artıq demək olar ki, 30 faiz bahalaşdığını xatırladıb. Həm Ağ Evin yeni administrasiyasının siyasəti, həm də Yaxın Şərqdəki böhran öz təsirini göstərib.

Öz növbəsində, CNBC qızılın yen və ya İsveçrə frankı kimi digər ənənəvi təhlükəsiz sığınacaq aktivlərindən daha sürətlə yüksəldiyini qeyd edib. Dollar indeksi ilin əvvəlindən demək olar ki, on faiz zəifləyib. Yen və İsveçrə frankı dollar qarşısında müvafiq olaraq təxminən səkkiz və on faiz möhkəmlənib.

Dünya Qızıl Şurasının məlumatına görə, mərkəzi banklar öz ehtiyatlarında dolların payını getdikcə azaldacaq və getdikcə daha çox qızıl alacaqlar.

Afət