“Qarabağ”ın futbolçusu Redon Cica daha bir klubun maraq dairəsinə düşüb.

Oxu24.com xəbər verir ki, Albaniyanın “Eqnatiya” komandası 26 yaşlı hücumçunu heyətinə qatmaq istəyir.

Klub qış fasiləsində heyətini yeni oyunçularla gücləndirmək niyyətindədir. İddiaya görə, həmin futbolçulardan biri də məhz “Qarabağ”ın forvardıdır.

Daha əvvəl Albaniyanın digər təmsilçisi “Partizani”nin də təcrübəli futbolçu ilə maraqlandığı bildirilib.

Qeyd edək ki, Redon Cica “Qarabağ”a 2023-cü ilin yanvar ayında Albaniyanın “Tirana” klubundan keçib.