Sentyabr ayının 1-də Şəmkir rayonunun ictimaiyyəti 2016-cı  ilin aprel ayında canını Vətən yolunda qurban verən,  Şəmkirin Düyərli kəndində doğulub boya başa çatan Altun Dəmirlinin 21 yaşını qeyd ediblər. Şəhidimiz 1 yaş da böyüyüb. Onun doğum gününə Düyərli kəndinin q və 2 saylı məktəbin müəllim və şagirdləri, Düyərli kəndinin icra nümayəndələri doğmaları və dostları toplaşıblar. Əvvəlcə şəhidimizin evində onun xatirəsi yad edilib. Sonra isə  Altun Dəmirlinin uyuduğu məzarı başında onun qısa ömür yolundan, yarımçıq qalmış arzularından danışılıb. Məktəblilər, Altun Dəmirli, aprel döyüşləri, Qarabağ həsrəti, eləcə də Vətən haqqında şerlər oxuyublar. Altun Dəmirli  atası Fərman Dəmirli də oğluna həsr etdiyi şerləri oxuyub. Və qeyd edib ki, bütün şəhidlər kimi, oğlu Altunun da ruhu çox narahtdır. Vətən uğrunda canından keçən bütün şəhidlər dşmən tapdağında olan torpaqları azad görmək üçün döyüşə atılmışdılar. Biz şəhid ailələri hər zaman dövlətimizin başçısı İlham Əliyevdən və birinci Vitse prezident Mehriban Xanım Əliyevadan qayğı görürük. Şəmkir rayonunun bütün ictimaiyyəti də  öz şəhid oğullarının xatirəsini hər zaman uca tuturlar. Lakin bizim bir problemimiz var: Vətən torpaqlarının azad olduğu günü tezliklə görmək. Yalnız o zaman, oğlumun yanına üzü ağ gedə bilərəm. Gün o gün olsun ki, onların arzuları çin olsun, uğrunda canlarını verdikləri Vətən torpaqları işğaldan azad edilsin.
  Oxu24.com