Cavan Zeynallını bəyənməyən Kəmalə Günəşliyə CAVAB

ŞOU-BİZNES

605

25.03.2026, 15:03

Müğənni Kəmalə Günəşli yaxın günlərdə sosial media hesabında açdığı canlı yayımda korifey sənətkar Cavan Zeynallı barədə qalmaqallı fikirlər səsləndirib:

"Yeni nəsil Cavan Zeynallını tanımır. 90 yaşında insanı “əsə-əsə” gətirib efirə çıxarırlar, 20 ilin yazısını (lentini) oxutdururlar. Efirlər təzələnməyib, əksinə, daha da köhnəlib. Bu, gənc nəsilə maraqlı deyil”.

Mövzu ilə bağlı müğənni Şahin Hüseynov Oxu24.com-a açıqlamasında öz mövqeyini bildirib. O, tənqidlə təhqirin sərhədlərinin qorunmalı olduğunu vurğulayıb:

"Sənətkar haqqında “əli əsə-əsə” kimi ifadələrin işlədilməsi şəxsiyyətə toxunmaqdır və bu bir təhqirdir. Hazırda efirlərdə bir monopoliya var – istər bəsit, istərsə də sənətkar adı almışların ancaq 'trend'də olanları dəvət edilir. Bəzən sənətkar dediklərimiz də muğamlarımızı və ya mahnıları peşəkar səviyyədə təqdim edə bilmirlər. Lakin bu, sənətkara qarşı etikadan kənar ifadələr işlətməyə əsas vermir.

Guya ki, indi efirlər düzəlib, sənətkarlar dəvət olunur. Onların da içində bayağı oxuyanlar var, muğamları korlayanlar var, amma aparıcılar musiqini bilmədiklərindən onlara əl çalırlar, sonra paylaşıb yazırlar ki, “baxın ay filankəslər, oxumaq belə olur”, hansı ki, bu da belə oxumaq deyil. Yəni monopoliyadır, kimi tanıyırlarsa, onu da efirə çağırırlar. Söhbət budur.İstedadlıları çağırmaq üçün gərək aparıcının musiqidən anlayışı olsun ki, bilsin ki, o yaxşı oxuyur".

”.

Müğənninin bu çıxışı izləyicilər arasında böyük müzakirələrə səbəb olub. Bir tərəf efirlərin gəncləşməsini dəstəkləsə də, digər tərəf Cavan Zeynallı kimi sənətkarlara qarşı bu cür münasibəti qətiyyətlə pisləyib.

Çimnaz Telmanqızı

Həmçinin oxuyun