İran İraqdakı ABŞ bazalarına hücum edərkən istifadə etdiyi raketlərin fotolarını yayımlayıb.

Publika.az xəbər verir ki, fotoları “Tasnim” xəbər agentliyi dərc edib.

Xəbərdə İranın ilk dəfə bu qədər modern silahlardan istifadə etdiyi bildirilir. Həmçinin, ABŞ-ın hava hücumundan müdafiə sistemlərinin raketlərin qarşısını almaqda aciz qaldığı vurğulanır.

Qeyd edilib ki, “Fəth-313” raketi çox sürətli olduğu üçün müdafiə kompeksləri tərəfindən əvvəlcədən müəyyən olunmayıb.

Atılan digər raket növü isə “Qiyam” olub ki, onun da radiolakasiya sistemlərini boğmaq xüsusiyyəti var və xüsusi döyüş başlığına sahibdir.