Türkiyədə 4,3 bal gücündə zəlzələ baş verib
17 Noyabr 2026, 21:38
Qaynar xətt:
(+99450) 247 90 86
DÜNYA
643
23.06.2020, 18:08
Koronavirus pandemiyasına görə dünyada tətbiq edilən karantin rejiminin tədricən yumşaldılması yoluxma hallarında ciddi artıma səbəb oldu. Ümumdünya Səhiyyə Təşkilatı (ÜST), eləcə də digər beynəlxalq mütəxəssislər bunun “ikinci dalğa” olmasından şübhələnirlər. Avstraliyada müşahidə olunan vəziyyət bu şübhələri daha da artırır.
Bu ölkə COVİD-19 yayılmasının qarşısını almaqda qlobal uğur hekayələrindən biri hesab olunurdu. Virus yayılmağa başlayana sərhədlər bağlandı, səyahət edənlər məcburi karantinə alındı, sərt qaydalar tətbiq olundu. Nəticədə cəmi 7,400 yoluxma, 102 ölüm halı qeydə alındı. Bu ötən aya ola göstəricilər idi.
May ayından etibarən ölkə karantin rejimindən mərhələli şəkildə çıxmağa başladı. Lakin təhlükənin miqyası qabaqda idi və son bir həftədə Viktoriya ştatında, xüsusilə ştatın mərkəzi şəhəri Melburnda yoluxma hallarının sürətlə artması qorxulu mənzərə yaratdı.
13 iyundan başlayaraq hər gün 100-dən çox yoluxma halı qeydə alınır. Viktoriyanın sağlamlıq üzrə baş mütəxəssis professor Brett Sutton hesab edir ki, artıma səbəb insanların sürətlə normal həyata qayıtması və virusdan qorunmaq üçün lazımi vasitələrdən istifadəni dayandırmasıdır.
Avstraliya hökuməti virusun yayılmasına qarşı ştatda sərt karantin rejiminin yenidən tətbiq edilməsi qərarına gəldi. Qərara görə, Viktoriya ştatında fövqəladə vəziyyət 12 iyula qədər uzadılıb. Həmçinin, Melbornda “qaynar nöqtələr” müəyyənləşdirilib və 50 nəfərlik tibbi qruplar 1000-dən çox insanın əlaqəsini izləmək üçün səfərbər olunub. Yoluxma hallarının artacağı təqdirdə yenidən sakinlərin evdən çıxması qadağan olunacaq.
Səhiyyə rəsmiləri yayılmanın artmasına səbəb kimi aprel ayında “qucaqlaşma və öpüşmə” icazəsindən sonra ailə məclislərində baş verənləri göstərirlər.
Avstraliyanın baş infeksionesti Brendan Merfi bildirib ki, sərt qaydalar tətbiq olunmasa “ikinci dalğa” riski yüksəkdir.
Almaniya da bəzi əyalətlərdə sərt karantin rejiminin tətbiqinə başlayıb. Xüsusilə Şimali Reynin Gütersloh şəhərində 1500 nəfərin işlədiyi ət kombinatı zavodunda virusun yayılmasının aşkarlanması hökumətin təcili hərəkətə keçməsinə səbəb olub. Hökumət rəsmisi Armin Lasxet 360 mindən çox insanın yaşadığı Gütersloh şəhərində “profilaktiv tədbirlərin” iyunun 30-dək davam edəcəyini açıqlayıb.

Almaniya may ayından bəri ilk dəfədir belə addım atır. Bu ölkə virusa qarşı mübarizədə Avropa üçün nümunə kimi göstərilirdi, lakin yayılma riskinin hələ də yüksək olduğu deyilir.
A.Lasxet ət kombinatında yoluxma halını ölkədə ən böyük infeksiya hadisəsi adlandırıb.
“Qərar verildi ki, əlavə tədbirlər görmək lazımdır”, - o bildirib.
İnsanların başqa şəhərlərə getməsi qadağan olunmasa da, zavod işçilərinin yaşadığı binalar polis tərəfindən mühafizə olunur. Şəhərdə barlar, restoranlar, kinoteatrlar, idman salonları bağlanıb, restoranlardan yalnız yemək almaq mümkündür. Məktəb və uşaq bağçaları da bağlanıb. Daha sərt qaydaların tətbiq ediləcəyi gözlənilir.
Zavodun bütün işçiləri məcburi karantində yaşayacaq və onlara nəzarət etmək üçün üç polis bölməsinin əməkdaşlarının müşahidəsi altında tibbi yardım işçiləri ayrılıb. Artıq səlahiyyətlilər 7 mindən çox insanın yaşadığı binaları izolyasiya etmək üçün metal çəpərlərin hazırlandığını deyirlər.
Lakin ölkənin digər yerlərində də karantin rejiminin sərtələşdirilməsi istiqamətində addımlar atılır. Göttingen şəhərinin mərkəzində isə polislə sakinlərin qarşıdurması baş verib. Buna səbəb şəhərində mərkəzindəki yaşayış binalarının karantin altına alınmasıdır. Sakinlər evlərini tərk etmək istəyəndə polis müdaxilə edib. Rəsmilər sakinlərin şüşə və metal çubuqlarla polislərə hücum etdiyini deyir.
Avropanın digər ölkələrində də yumşalan karantin rejimi yenidən sərtləşdirilir. İspaniyanın şimal-şərqində yerləşən Araqon bölgəsinin Huesca əyalətində 68 min sakin sərt karantin altına alınıb.
İngiltərədə mövcud məhdudiyyətlər iyulun 4-nə qədər qüvvədə saxlanılıb. Bütün iaşə obyektləri, kinoteatrlar, muzeylərin fəaliyyəti və digər kütəvi tədbirlərin qadağası qüvvədədir. Hökumət hazırda sosial məsafənin saxlanılması üzərində işləyir. Müxalifət 2 metr məsafənin ticarətə ciddi ziyan vuracağını desə də, başqa çıxış yolunun olmadığı hesab olunur.
Hökumət bildirir ki, məhdudiyyətlər 4 iyuldan etibarın aradan qaldırılacaq, lakin ondan sonra vəziyyət müşahidə altına alınacaq, yoluxma halları artacaqsa, qadağaların qüvvəyə minməsi yenidən gündəmdədir.
Son bir həftədə dünyanın müxtəlif ölkələrində virusun yayılmasında artımlar müşahidə olunur. Artıq onlarla ölkə yumşalma tədbirlərini təxirə salır, məhdudiyyətlərin yenidən tətbiqinə başlayır.
00:38 / 18 Noyabr 2026
81
23:54 / 17 Noyabr 2026
112
23:36 / 17 Noyabr 2026
122
23:10 / 17 Noyabr 2026
115
23:03 / 17 Noyabr 2026
218
22:45 / 17 Noyabr 2026
121
22:22 / 17 Noyabr 2026
117
22:08 / 17 Noyabr 2026
266
21:51 / 17 Noyabr 2026
124
21:38 / 17 Noyabr 2026
130
21:20 / 17 Noyabr 2026
126
21:11 / 17 Noyabr 2026
128
20:45 / 17 Noyabr 2026
130
20:39 / 17 Noyabr 2026
153
20:23 / 17 Noyabr 2026
133
20:12 / 17 Noyabr 2026
155
19:59 / 17 Noyabr 2026
147
19:51 / 17 Noyabr 2026
149
19:40 / 17 Noyabr 2026
254
19:39 / 17 Noyabr 2026
141
19:28 / 17 Noyabr 2026
1077
19:21 / 17 Noyabr 2026
140
19:14 / 17 Noyabr 2026
145
© 2026 Oxu24.com Müəllif hüquqları qorunur.