ABŞ-ın Texas əyalətində karantinə məhəl qoymayaraq festival keçirən 200 nəfər saxlanılıb.
''Oxu24.com' xəbər verir ki, minlərlə gənc koronavirus təhlükəsinə baxmayaraq Texasda ''Kristal'' çimərliyində hər il təşkil olunan ''Go Topless Jeep'' festivalını təşkil ediblər. Gənclər çılpaq halda festivala qatılaraq maşınların üzərinə çıxıb, spirtli içki qəbul edərək rəqs ediblər. Festivala müdaxilə edən polislərlə gənclər arasında qarşıdurma yaşanıb, iki nəfər yaralanıb. Gənclər Texas 1 mayda çimərlik qadağasını aradan qaldırdığı üçün festival təşkil etdiklərini deyiblər. Polis həmin şəxslərin sosial məsafəni qorumadıqlarına və içkili halda avtomobil idarə etdiklərinə görə saxlanıldıqlarını bildirib.