Hüquq-mühafizə orqanlarının əməkdaşları Rusiyanın Yamalo-Nenets Muxtar Dairəsində yerləşən gecə klublarının birində ölümlə nəticələnən davanın səbəblərini araşdırır. 

“Moskovskiy komsomolets” nəşri xəbər verir ki, məlumatı Rusiya Federasiyası İstintaq komissiyasının bölgə üzrə İstintaq idarəsi verib.

Hadisə Labıtnanqi şəhərində yerləşən “Zodiak” gecə klubunda baş verib. Kluba gələn müştərilər arasında baş verən davaya müdaxilə etmək istəyən 1967-ci il təvəllüdlü kişi aldığı yumruq zərbəsindən sonra hadisə yerində keçinib. 

Müstəntiqlər faktla əlaqədar araşdırmalara başlayıblar, hadisənin baş vermə səbəbi, habelə insan ölümü ilə nəticələnən konfliktin motivləri araşdırılır.