İrandan şok bəyanat:Vuracaqlar...

İran ABŞ Prezidenti Donald Trampın BƏƏ və Səudiyyə Ərəbistanındakı aktivlərini hərbi hücumlar üçün qanuni hədəf elan edib.

Oxu24.com xəbər verir  ki,İİKK-nın bəyanatına görə, Dubaydakı Tramp Beynəlxalq Oteli və Qülləsi, Ciddədəki Tramp Plazası və Ər-Riyaddakı Tramp Qülləsi hücuma məruz qalıb.

 İslam İnqilabı Keşikçiləri Korpusu (İİKK) bu bəyanatı Telegram kanalında dərc edib.

Nəşrdə Ağ Ev prezidentinin hazırda tikintisi və ya planlaşdırılması mərhələsində olan Yaxın Şərq aktivləri ilə əhatə olunduğunu göstərən bir illüstrasiya var. Bunlara Dubaydakı Tramp Beynəlxalq Oteli və Qülləsi, Ciddədəki Tramp Plazası və Ər-Riyaddakı Tramp Qülləsi, eləcə də bir neçə qolf klubu daxildir.

İİKK-nın mətbuat xidməti illüstrasiyanı "Trampın aktivləri İranın qanuni hədəfləri siyahısındadır" adlandırıb.

Bu açıqlamadan qısa müddət sonra Reuters agentliyi Dubayın mərkəzində, Tramp Beynəlxalq Oteli və Qülləsinin yaxınlığında partlayışlar barədə məlumat verib. Lakin Dubay hökumətinin mətbuat xidməti bu məlumatları yalan adlandırıb.

Bundan əlavə, 16 iyulda İİKK ABŞ-ın İran obyektlərinə hücum edəcəyi təqdirdə Yaxın Şərqdəki bütün Amerika infrastrukturunu məhv etməklə hədələdi. İran komandanlığının sözçüsünün sözlərinə görə, İranın cavab zərbəsi "sadəcə simmetrik deyil, həm də üstün - əvvəlkindən daha güclü, daha böyük və daha dağıdıcı" olacaq.

18 iyunda Vaşinqton və Tehran anlaşma memorandumu imzaladılar. Sənəddə, digər məsələlərlə yanaşı, atəşkəsin 60 gün uzadılması nəzərdə tutulurdu. Lakin 8 iyul gecəsi İİKK-nın Hörmüz boğazında tankerlərə hücumlarından sonra Amerika qüvvələri İrana hücumları bərpa etdi.

Elə həmin gün Tramp atəşkəsin bitdiyini elan etdi və daha sonra Konqresə İranda hərbi əməliyyatların bərpası barədə rəsmi məlumat verdi. Fox News-a verdiyi müsahibədə Ağ Ev rəhbəri Tehran "danışıqlar masasına gəlməsə", İrandakı bütün körpüləri və elektrik stansiyalarını məhv etməklə hədələdi.

Jalə

Həmçinin oxuyun

17 iyulda bizi nələr gözləyir? — ULDUZ FALI

SON DƏQİQƏ! İrana hücuma keçdilər

İrandan şok bəyanat:Vuracaqlar...

Azərbaycan bu göstəriciyə görə dünyada 14-cü yerdədir —  MÜHÜM DETALLAR