Qaynar xətt:

(+99450) 247 90 86

NATO quru qüvvələrinin qərargahı Rusiya sərhədləri yaxınlığında açılıb

news/2025_10_03/898343_src_1759491039.jpg

DÜNYA

472

03.10.2025, 15:28

Oktyabrın 3-də Rusiya sərhədinə yaxın Finlandiyanın Mikkeli şəhərində NATO Quru Qoşunlarının Şimali Avropadakı Qərargahının rəsmi açılışı olub.

Oxu24.com   xəbər  verir   ki, "quru müdafiəsinin təşkili bizim əsas prioritetlərimizdən biridir. Finlandiyanın rəyinin nəzərə alınması və NATO-nun regionda qurudan müdafiə imkanlarını gücləndirməsi bizim üçün vacibdir", - Finlandiyanın müdafiə naziri Antti Hakkänen mərasimdə Yle telekanalına müsahibəsində deyib.

Sankt-Peterburqdan təxminən 300 kilometr aralıda yerləşən qərargah sentyabrın əvvəlində fəaliyyətə başlayıb.

NATO Quru Qoşunları Komandanlığının sözçüsü briqada generalı Kris Qentin sözlərinə görə, sülh dövründə qərargah alyansa üzv ölkələrin hərəkətlərinin planlaşdırılması, əlaqələndirilməsi, birgə təlimlərin təşkili və digər fəaliyyətlərə cavabdehdir.

Hərbi münaqişə baş verərsə, Şimali Avropada fəaliyyət göstərən NATO qüvvələri üçün komanda və nəzarət tapşırıqlarını yerinə yetirəcək.

Qərargaha norveçli Ove Staurseth və Finlandiya ordusunun komandanı general-leytenant Pasi Välimäki rəhbərlik edir. Struktur ABŞ-ın Norfolk şəhərindəki NATO Komandanlığına tabedir.

Artıq yeddi ölkədən - Finlandiya, İsveç, Norveç, Danimarka, Hollandiya, ABŞ və Böyük Britaniyadan olan zabitlər Mikkeliyə gəliblər. Sülh dövründə daimi heyət təxminən 50 nəfər olacaq.

Nigar