Qaynar xətt:

(+99450) 247 90 86

Polşa Litva və Almaniya ilə sərhədə qoşun yeritməyi planlaşdırır

DÜNYA

97

03.07.2025, 21:35

Almaniya və Litva ilə sərhədlərin mühafizəsini gücləndirmək üçün 5 min Polşa əsgəri göndəriləcək.

Oxu24.com   xəbər  verir   ki, bu barədə Polşa Radiosunda Polşa Baş Qərargahının rəisi general Vislav Kukula bildirib.

"5 min əsgər sərhədə göndəriləcək. Onlardan 4 mini Polşa-Almaniya sərhədinə, min nəfəri isə Polşa-Litva sərhədinə göndəriləcək", - Kukula bildirib.

Polşa Baş Qərargahının rəhbəri qeyd edib ki, “qeyri-qanuni miqrasiya dövlət təhlükəsizliyinə əhəmiyyətli təhlükə yaradır”. Kukula vurğulayıb ki, Polşa belə bir vəzifədən yayına bilməz və sərhədlərdə səmərəliliyi artırmalıdır.

İyulun 1-də Polşanın baş naziri Donald Tusk respublikanın Almaniya və Litva ilə müvəqqəti sərhəd nəzarəti tətbiq etdiyini açıqlayıb. Onun sözlərinə görə, sərhəd nəzarətinin tətbiqi Polşa vətəndaşları üçün “istənilən mümkün mənfi nəticələri” minimuma endirməyə imkan verəcək. Sərhədin mühafizəsi vəzifəsi sərhədçiyə və digər xidmətlərə həvalə edilib.

Bundan əvvəl Polşanın Belarus və Rusiya ilə sərhədləri minalamaq niyyətində olduğu bildirilirdi.

Nigar