İran onları ölkədən qovur

DÜNYA

188

03.07.2025, 21:16

İran hakimiyyəti Beynəlxalq Atom Enerjisi Agentliyinin (MAQATE) ölkədə qalan müfəttişlərini yaxın vaxtlarda ölkədən çıxarmağı planlaşdırır.

Oxu24.com İranın SNN telekanalına istinadən xəbər verir ki, bunu iranlı deputat Əmir-Hüseyn Səbati deyib.

"Parlament üzvlərinin apardığı araşdırma sayəsində İranda qalan MAQATE casusları tezliklə ölkədən çıxarılacaq", - Səbati bildirib.

SNN qeyd edir ki, bu bəyanat İranda bəzi agentlik müfəttişlərinin qeyri-qanuni fəaliyyəti ilə bağlı çoxsaylı məlumatlardan sonra verilib və böyük ehtimalla, yaxın vaxtlarda MAQATE əməkdaşlarının ölkədən çıxarılması üçün əməli addımlar atılacaq.

İyunun 26-da İran parlamentinin spikeri Məhəmməd Baqir Qalibaf İslam Respublikası ilə MAQATE arasında əməkdaşlığı dayandıran qanunun rəsmi dərcini elan edib. O qeyd edib ki, İranın nüvə obyektlərinin təhlükəsizliyi təmin olunmayana qədər agentliklə əməkdaşlığın davam etdirilməsi mümkün deyil.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Sənədə əsasən, nüvə obyektlərinin təhlükəsizliyi təmin olunana qədər müşahidə kameralarının quraşdırılması, yoxlama icazəsi və MAQATE-yə hesabat verilməsi dayandırılır. Həmin gün MAQATE-nin baş direktoru Rafael Qrossi İranda yoxlamaların tezliklə bərpasına çağırıb və qeyd edib ki, onların həyata keçirilməsi təhlükəli olacaq, çünki obyektlərdə partlamamış hərbi sursatlar qala bilər.

Bundan əvvəl Tramp İranın nüvə obyektində İsrail agentlərinin olduğunu bildirmişdi.

Nigar