Ayı vuracaq, Yerdə atom bombası effekti yaradacaq

DÜNYA

179

03.07.2025, 09:49

Nəhərd asteroid Yerə doğru sürətlə irəliləyir. Əgər dəysə, həyatı iflic edəcəyi deyilir, mütəxəssislər isə onun "atom bombası qədər güclü" olduğunu iddia edir.

Oxu24.com xəbər verir ki, 2024-cü ilin sonunda kəşf edilən və əvvəlcə Yerə dəyəcəyi güman edilən YR4 adlı nəhərd asteroidin istiqaməti yenidən hesablandı. 10 mərtəbəli bina ölçüsündəki göy cismi indi Aya doğru hərəkət edir və dəymə ehtimalı getdikcə artır. NASA-ya görə, 2032-ci ildə baş verə biləcək toqquşmanın ehtimalı 4.3%-ə yüksəlib. Bu göstərici fevralda 1.7%, apreldə isə 3.8% idi.

Avstraliya Milli Universitetindən kosmoloq Bred Taker deyib: "Təhlükə Yerdən Aya keçdi, amma bu bizi maraqlandırmır demək deyil. 1/25 kimi bir ehtimaldan danışırıq".

Takerə görə toqquşma atom bombası təsiri yarada bilər və yarana biləcək meteor yağışları Yer ətrafı orbitdəki peykləri təhdid edə bilər.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bu toqquşma internet bağlantılarından naviqasiya sistemlərinə, maliyyə əməliyyatlarından hərbi infrastrukturlara qədər bir çox həyati sistemi iflic edə bilər. Çünki dəymədən sonra yaranacaq kosmik qalıqlar Yer orbitindəki peyklərə ziyan vurma potensialına malikdir. Hətta yeni bir "peyk qalıqları halqası" yaranma riski belə var.

Günəş dinamikası mütəxəssisi Dr. Pol Viqert bildirir ki, əgər YR4 Aya dəysə, bu son 5 min ilin ən böyük kosmik toqquşması olacaq. Nəhərd asteroid kosmik stansiyanı və ya böyük peykləri asanlıqla məhv edə biləcək qüvvədədir.

Yeni tədqiqatlar göstərir ki, bu toqquşma təsiri təkcə Ayda deyil, həm də Yerdə özünü göstərə bilər. Çünki yarana biləcək böyük miqdarda qalıqların Yer orbitinə çəkilərək peyklərin zədələnmə ehtimalını min dəfə artıra biləcəyi proqnozlaşdırılır. Səlahiyyətlilər isə hələlik həyəcanlanmamaq lazım olduğunu, amma prosesin diqqətlə izlənilməsinin həyati əhəmiyyət daşıdığını vurğulayır.milli.az